Монгол-Оросын Засгийн газар хоорондын комиссын хуралдаан Төрийн ордонд энэ сарын 13-15-нд болж өндөрлөлөө. Хуралдааны дараа “Чингис Ленд Девелопмент Групп” ХХК –ийн ерөнхийлөгч С.Отгонбаатар болон ОХУ-ын “Дальстроймеханизация” хувьцаат компанийн гүйцэтгэх захирал П.Я.Колушков нар хамтран ажиллах гэрээнд гарын үсэг зурлаа. Монгол, Орос, Хятад улсыг холбох хурдны зам барих төслийг амжилттай хэрэгжүүлэх зорилготой хамтын ажиллагааны хэлэлцээр хийсэн нь энэ юм. Хоёр тал хурдны авто замын төслийн санхүүжилт, зураг төсөл, зам барилгын ажил, ашиглалтын шатанд хамтарч ажиллахаар болжээ.
ОХУ-ын “Дальстроймеханизация” хувьцаат компанийн гүйцэтгэх захирал П.Я.Колушков хэлэхдээ “Монгол Улсын санаачилсан “Талын зам” үзэл баримтлалыг хэрэгжүүлэх, ОХУ, БНХАУ-ыг холбосон XXI зууны тээврийн коридорыг байгуулах нь ОХУ-ын нийт эдийн засгийн хувьд, тэр дундаа Оросын Алс, Дорнод, Сибирийн эдийн засаг, нийгмийн хөгжилд маш чухал ач холбогдолтой. Бид Азийн авто замын нэгдсэн сүлжээний АНЗ чиглэлийн хурдны авто замыг бүтээн байгуулах энэхүү олон талт төслийн хэрэгжилтэд ОХУ-ыг төлөөлөн оролцох болсондоо баяртай байна. Монгол Улсын транзит, тээвэр ложистикийн нөөц бололцоог хэрэгжүүлэх нь Зүүн хойд Азийн бүс нутгийн интеграцийн үйл явцад хурдасгуур болж, Орос, Монгол хоёр улсын ард түмний хөгжил цэцэглэлтэд хөшүүрэг болно гэдэгт итгэлтэй байна” хэмээлээ.
“Шинэ үе” продакшны жүжигчин Ц.Алдармаа, Д.Оюунтуул нарт холбогдох хэргийн шүүх хурал Эрүүгийн хэргийн II шүүхэд эхэллээ. Олны танил жүжигчдийн шүүх хурал өмнө нь хоёр ч удаа хойшлогдсон юм. Хамгийн сүүлд энэ сарын 13-нд болох байсан шүүх хурал гурав хоногоор хойшлогдоход шүүгч энэхүү шүүх хурлыг дахин хойшлуулахгүй гэдгийг анхааруулж, жүжигчин Ц.Алдармаа, Д.Оюунтуул нарыг Монгол Улсын хилээр гарахыг хориглосон гэдгээ мэдэгдсэн билээ. 
Хөрш зэргэлдээ гурван улсын аялал жуулчлалын өдөрлөг тав дахь жилдээ Дорнод аймгийн Чойбалсан хотноо болох гэж байна. Энэ сарын 17-20-ны өдрүүдэд үргэлжлэх өдөрлөгийн хүрээнд “Хэрлэн экспо 2014” үзэсгэлэн худалдаа, “Бүс нутгийн аялал жуулчлалын хамтын ажиллагаа -2014 форум”, “Зүүн бүс түншлэл-2014” бизнес эдийн засаг, аялал жуулчлалын форум, Монгол, Орос , Хятад гурван улсын хувцас загварын наадам зэрэг арга хэмжээ зохион байгуулагдах аж.
Манай оронд 2005-2013 онд жилд дунджаар 3200 орчим удаа аюулт үзэгдэл, осол давхардсан тоогоор 171 аймаг, нийслэлийн 601 сум, дүүргийг хамран тохиолдож, түүнд 200 орчим хүн амь насаа алдаж, эдийн засаг, экологид 95 тэрбум 645,4 сая төгрөгийн хохирол учирсаныг өмнөх 10 жилтэй харьцуулбал 10 гаруй дахин өсжээ.
Монголын рок попын түүхэнд бүтэн 20-н жилийн ойдоо зориулан олон ажлыг хийсэн билээ. Өнгөрсөн жил хийсэн тоглолт, дуудлага худалдаагаар худалдсан “Алтан пянзны” орлогоо орон нутгийн эмнэлэгүүдэд хүүхдийн эмчилгээний өндөр үнэ бүхий орчин үеийн техник тоног төхөөрөмжийг хандив болгож өгч байгаа юм байна. Өнөөдөр Ховд, Завхан, Баянхонгор, Говь-Алтай зэрэг аймгуудын амаржих газар, хүүхдийн тасгийн эмч нарын төлөөлөлд шинэ тоног төхөөрөмжүүдийг нь хүлээлгэн өгчээ.
Эбола вирус тархсан бүс нутагт хилийн хорио тавиагүй байгаа. Тиймээс бусад улсуудад тус вирусууд илэрсээр байна. Харин манай улсын хувьд өвчний голомтоос хэдийгээр хол байгаа ч урд хөршид тархах магадлал өндөр байгаа билээ.
УИХ-ын чуулганы нэгдсэн хуралдаан үргэлжилж байна. Хуралдаанаар Ч.Улаан сайдыг чөлөөлөх асуудлыг хэлэлцэж байна. Хэлэлцэж байгаа асуудалтай холбогдуулан гишүүнд сонирхсон асуултдаа хариулт авч байна.
УИХ-ын чуулганы нэгдсэн хуралдаан эхэллээ. Хуралдааны эхэнд Сангийн сайд Ч.Улааныг үүрэгт ажлаас нь чөлөөлөх тухай асуудлыг хэлэлцэв. Тус асуудлыг хэлэлцсэн Төсвийн байнгын хорооны санал, дүгнэлтийг УИХ-ын гишүүн С.Баярцогт танилцууллаа.
Дэлхийн есөн улсад бүртгэгдэж, дөрвөн мянга гаруй хүний амийг авч одсон эбола цусархаг халууралт өвчний талаар өчигдөр ЭМЯ-аас мэдээлэл хийсэн билээ. Энэ үеэр тус өвчнөөс хэрхэн сэргийлж болох талаар мэдэгдсэн бөгөөд сэжигтэй шинж тэмдэг илэрвэл цаг алдалгүй ХӨСҮТ-д хандахыг сануулаад байна. 
Арилжааны банкууд зээл олгохдоо авдаг шимтгэл хураамж нэрийдлээр иргэдээс 0.1 хувийн шимтгэл авч байгааг ШӨХТГ-аас тогтоож, таслан зогсоохыг үүрэгдсэн. Энэхүү шийдвэрийг арилжааны 13 банкны удирдлагууд эсэргүүцэн ШӨХТГ-ыг Захиргааны хэргийн шүүхэд өгч, энэ хэргийг шүүх хурал өчигдөр болсон байна.