“Олоод ир” гэсэн юм бүхнийг нүд ирмэхийн зуур өмнө нь тавьчихдаг нэгэн бэрдтэй учирсан хүн түүнээс залхахдаа “Ногоон хурганы арьс, нохойн битүү туурай олоод ир” гэсэнд өнөөх гайхал бэрд газрын гаваар орсон мэт алга болж, ахиж үзэгдэхээ больсон тухай хууч яриа байдаг.
“Нохойн битүү туурай” гэдэг нь ёстой хорвоо дэлхийн хаана ч байхгүй зүйл аж. Харин ногоон хурганы арьс бол манайд байна шүү. Учир юу гэвэл найм дахь жилдээ “Мишээл экспо” төвд нээлтээ хийж байгаа “Ноос ноолуур, арьс ширэн бүтээгдэхүүний үзэсгэлэн худалдааг үзэж явахдаа “ногоон” хурганы арьсан хүүхдийн шуба байхыг үзлээ. Тус үзэсгэлэнгээс үзэж харсан бүхэн шинэлэг шийдэл, содон загвартай байв. Үзэсгэлэн худалдаанд ноос ноолуураар урласан цамц өмд, ороолт, малгай, бээлий, арьс ширэн цүнх, гутал, хүрэм, бэлэг дурсгалын зүйлс, бүс тэлээ, бүр хүний санаанд ч оромгүй зүйлийг арьс, үслэг эдлэлээр урлачихсан байлаа. Тэдний дундаас бяцхан охид, нярай хүүхдэд зориулсан хурганы арьсан хүрэм, комбинзон зэрэг нь бага насны хүүхэдтэй эцэг эхчүүдийн анхаарлыг ихэд татаж байгаа бололтой “Улаанбаатар түр” ХХК-ийн лангуу хөл ихтэй харагдана. Хурганы арьсан хүрэм дулаан бөгөөд өнгөний хувьд өргөн сонголттой аж. Улаан, ногоон, шар гээд тухайн хүүхдийн дуртай өнгөөр, эцэг эхийн хүссэн загвараар урлах боломжтойг борлуулалтын менежер хэлж байлаа. Мөн малын гаралтай түүхий эд тэр дундаа арьс, үслэг эдлэлийн үйлдвэрлэлийн тоног төхөөрөмж өндөр хөгжиж өнгө, чанарыг хүссэнээрээ өөрчлөх боломжтой болсон нь мэдрэгдэж байв.
Манайхан энэхүү үзэсгэлэн худалдааг зорьж ирдэг, жилийн жилд хэзээ нээлтээ хийхийг нь хүлээж байдаг болчихсон нь үзэсгэлэнгийн үеэр анзаарагдаж байлаа. Залуу хосууд, хүүхдээ дагуулсан эцэг эчүүд, гэр бүлээрээ яваа хижээл насны хос гээд тэнд бүхий л насныхан байв. “Дархан минж”, “Дархан нэхий”-н хүрэм, нэхий дээлнүүдийг охид бүсгүйчүүд ихэд шохоорхон өмсөж үзэцгээнэ. “Говь”, “Гоёо”, “Хатан сүлжээ” зэрэг монгол ноолуурыг дэлхийн зах зээлд таниулж яваа үндэсний томоохон үйлдвэрлэгч кампаниудын ноолууран хувцаснуудыг өмсөж сонирхох охид хүүхнүүд
“Дугаргий толины өмнө эргэлдсэн
“Дуулим талын цэцгэрхүү хөөрхөн хүүхэн болж уу би” гэх шиг л эр нөхрийнхөө дэргэд дэгжирхэнэ.
“Ноос ноолуур, арьс ширэн бүтээгдэхүүн-2014” үзэсгэлэн худалдаа энэ жил салбарын яам, Нийслэлийн Засаг даргын тамгын газар, “Ажил олгогч эздийн нэгдсэн холбоо”-ны дэмжлэгтэйгээр арьс шир, ноос ноолуурын холбоод хамтан зохион байгуулж буйгаараа онцлог аж. Мөн энэ жил Монгол Улсад хөнгөн аж үйлдвэрийн салбар үүсч хөгжсөний 80 жилийн ой тохиож, ололт амжилт арвин байгааг оролцогч, зохион байгуулагчид онцолж байлаа.
Монгол Улсын Засгийн Газраас малын түүхий эд боловсруулах тус салбарт анхаарал хандуулж, тодорхой дэмжлэг үзүүлж буй болохоор тус салбар одоо улам хүчээ авч байгаа аж. Тухайлбал, Ноосны үйлдвэрүүдэд 70 тэрбум, ноолуурын үндэсний үйлдвэрүүдэд 107 тэрбум, Арьс ширний үйлдвэрүүдэд 140 тэрбум төгрөгийн хөнгөлөлттэй зээлийг таван жилийн хугацаатайгаар олгожээ. Үүний үр шим нь “Ноос ноолуур, арьс ширэн бүтээгдэхүүн-2014” үзэсгэлэн худалдаанаас тодорхой харагдах бөгөөд гадаад харилцааг хөгжүүлэхэд жинтэй хувь нэмэр олуулж байгаа аж.
Тус үзэсгэлэн худалдаанд ноос ноолуур, арьс ширэн бүтээгдэхүүн үйлдвэрлэлийн 100 гаруй аж ахуй нэгж, хувь хүн оролцож байгаа бөгөөд үзэсгэлэн энэ сарын 20-ныг дуустал таван өдөр үргэлжлэх гэнэ.
Г.ЛХАГВАДОРЖ
Өөрснөө залуу яваагүй юм шиг, нэг их юм бүтээчихсэн юм шиг, социализм гэж нэг сайхан нийгэм байгуулчихаад түүнийгээ ардчиллынханд алдчихсан юм шиг хорсож явдаг хөгшид байдаг.
Монгол Улсын Гадаад харилцааны яам, БНХАУ-ын Гадаад хэргийн яам хоорондын хамтын ажиллагааны протоколын дагуу БНХАУ-ын Гадаад хэргийн яамны Азийн газрын дэд захирал Хоу Яньци тэргүүтэй төлөөлөгчид 2014 оны 10 дугаар сарын 14-17-ны өдрүүдэд Монгол Улсад айлчлав. Айлчлалын үеэр төлөөлөгчдийг Гадаад харилцааны яамны Төрийн нарийн бичгийн дарга Б.Болдбаатар, Хөрш орнуудын газрын захирал Т.Төгсбилгүүн нар тус тус хүлээн авч уулзсанаас гадна хоёр улсын ГХЯ-дын залуу дипломатуудын танилцах уулзалт хийв. Айлчлалын хүрээнд төлөөлөгчид Зайсан толгой-цогцолбор, Гандантэгчинлэн хийд, Богд хааны ордон-музейтэй танилцаж, орон нутагт зочлов.
Мэргэжлийн сүмогийн дээд зиндаанд анх барилдахдаа 13 ялж, олныг шуугиулсан Монголын бөх Ичиножёо хэмээх А.Ичинноров хомхойн нэг төрөл болох Бүслүүр үлд-Herpes zoster өвчин тусан эмнэлэгт хэвтжээ. Ийнхүү манай бөх энэ сарын 17-ноос эхлэн тойргийн барилдаанд оролцохгүй боллоо. Бүслүүр үлд нь мэдрэлийн гаралтай өвчин бөгөөд сүүлийн үед маш завгүй явсан Ичиножёо стресс хуримтлагдсанаас болж ийм өвчин туслаа гэж Минато ояката ярьж байна. Оякатагийн ярьснаар ирэх 11 дүгээр сарын тэмцээнд ороход нь ямар нэг сөрөг нөлөө байхгүй гэнэ.
Одоогоос хэд хоногийн өмнө манай 24tsag.mn сайтын утсанд нэгэн иргэн холбогдож Хөгжлийн банкинд байгаа “Чингис”, “Самурай” бондын үлдэгдлээс 700 гаруй тэрбум төгрөгийг Засгийн газрын бүтцийг өөрчлөх тухай асуудал яригдахад гаргасан. Засгийн газар төсвийн алдагдлаа нөхөхөд гаргасан байж магадгүй. Энэ асуудлыг судалж мэдээлээч гэж хүссэн юм. Ийм мэдээлэл ирж байгаа тухай манайх өмнө нь мэдээлж байсан билээ. Тэгвэл өчигдрийн УИХ-ын нэгдсэн чуулганы үеэр асуудал сөхөгдлөө. 
Улсын дуурь, бүжгийн эрдмийн театрын уран бүтээлчид өнөөдөр 17.00 цагт Төрийн шагналт хөгжмийн зохиолч Х.Билэгжаргалын “Ламбугайн нулимс” дуурийг тоглох гэж байна.
Нийслэлийн Засаг даргын санаачилгаар Хотын захиргаа Монголын Оюутны спортын холбоотой хамтран “Өвлийн Универсиад наадам”-ыг 2033 онд Улаанбаатар хотод зохион байгуулах эрх авахын төлөө бэлтгэл ажил хангахаар харилцан төлөвлөгөө боловсруулан ажиллахаар болсон.
Италийн Милан хотноо Ази Европын дээд түвшний уулзалт /АСЕМ/ болж өндөрлөлөө. Монгол Улс дараагийн уулзалтыг зохион байгуулах эрхийг авлаа. Эрх гардан авах үеэр Монгол Улсын Ерөнхийлөгч Цахиагийн Элбэгдорж дагалдан яваа хэвлэл мэдээллийн бүрэлдэхүүнд яридцлага өглөө.
“Шүгэлүүгийн аялал” нэртэй бага насны хүүхдэд зориулсан замын хөдөлгөөний дүрмийн тухай ном шинээр гарчээ. Уг ном нь хүүхэд багачуудын насны онцлог, сэтгэхүйд тохирсон мэдлэг олгох комик болсон хэмээн номын зохиогчид хэлж байгаа аж.