Month: September 2014

Categories
мэдээ спорт

Дэлхийн шилдэг 50 хөлбөмбөгч тодорлоо

Дэлхийн хөл бөмбөгийн холбоо өчигдөр
дэлхийн шилдэг 50 хөлбөмбөгчинг нэрлэлээ. Холбооны мэдээлснээр энэхүү
жагсаалтыг өнгөрсөн нэг жилийн хугацаанд тамирчдын гаргасан амжилт, үзүүлсэн
тоглолтын байдалд үндэслэн гаргасан байна. 

50. Giorgio Chiellini – Juventus
(Italy)


49. Andrea Pirlo – Juventus (Italy)
48. Xabi Alonso – Bayern Munich (Germany)
47. Iker Casillas – Real Madrid (Spain)
46. Cesc Fаbregas- Chelsea FC (England)
45. Hugo Lloris – Tottenham Hotspur (England)

44. Javi Martinez – Bayern Munich
(Germany)
43. Sergio Busquets – FC Barcelona (Spain)
42. Jerome Boateng – Bayern Munich (Germany)
41. Juan Mata – Manchester United (England)
40. Karim Benzema – Real Madrid (Spain)
39. Carlos Tevez – Juventus (Italy)
38. Mario Gцtze – Bayern Munich (Germany)
37. Diego Costa – Chelsea FC (England)
36. Toni Kroos – Real Madrid (Spain)
35. Arturo Vidal – Juventus FC (Italy)
34. Petr Čech – Chelsea FC (England)
33. Edinson Cavani – Paris Saint-Germain (France)
32. James Rodrнguez – Real Madrid (Spain)
31. Thibaut Courtois – Chelsea FC (England)
30. Neymar Jr. – FC Barcelona (Spain)
29. Mats Hummels – Borussia Dortmund (Germany)
28. Mesut Цzil – Arsenal (England)
27. Thomas Mьller – Bayern Munich (Germany)
26. Marco Reus – Borussia Dortmund (Germany)
25. Бngel Di Marнa – Manchester United (England)
24. Sergio Agьero – Manchester City (England)
23. Wayne Rooney – Manchester United (England)
22. Yaya Tourй – Manchester City (England)
21. Xavi – FC Barcelona (Spain)
20. Vincent Kompany – Manchester City (England)
19. Robert Lewandowski – Bayern Munich (Germany)
18. Luka Modrić – Real Madrid (Spain)
17. David Silva – Manchester City (England)
16. Thiago Silva – Paris Saint-Germain (France)
15. Sergio Ramos – Real Madrid (Spain)
14. Gareth Bale – Real Madrid (Spain)
13. Philipp Lahm – Bayern Munich (Germany)
12. Radamel Falcao – Manchester United (England)
11. Robin van Persie – Manchester United (England)
10. Eden Hazard – Chelsea FC (England)
9. Franck Ribйry – Bayern Munich (Germany)
8. Bastian Schweinsteiger – Bayern Munich (Germany)
7. Luis Suбrez – FC Barcelona (Spain)
6. Andrйs Iniesta – FC Barcelona (Spain)
5. Manuel Neuer – Bayern Munich (Germany)
4. Zlatan Ibrahimović – Paris Saint-Germain (France)
3. Arjen Robben – Bayern Munich (Germany)
2. Cristiano Ronaldo – Real Madrid (Spain)
1. Lionel Messi – FC Barcelona (Spain)

 

Categories
мэдээ спорт

Д.Хүдэрбулга шилдэг наймд шалгарлаа

Чөлөөт бөхийн ДАШТ-ий 97 кг-ын жинд өрсөлдөж буй Ази тивийн аварга, ОХУМ Д.Хүдэрбулга хоёрдугаар тойргийн барилдаандаа Казахстаны бөх Инкар Ермукамбетийг 12:2 харьцаагаар (I үед 4:0, II үед 6:2) буюу онооны давуугаар ялж, шилдэг наймд шалгарлаа.

Д.Хүдэрбулга шилдэг дөрөвт үлдэхийн төлөө Олимпийн 2 хүрэл, Дэлхийн аваргын алт, мөнгө, Европийн 3 удаагийн алтан медальт, Азербайжаны бөх Хетаг Газимовтой барилдана.

Харин энэ барилдааны дараа дэвжээнд гарсан ОУХМ Э.Ням-Очир /61 кг/ Ираны бөх Ираны Саид Мохаммадид 0:7 харьцаагаар (I үед 0:2, II үед 0:5 ) ялагдлаа.

Тэмцээнийг http://unitedworldwrestling.org-с шууд үзнэ үү. 

Categories
гадаад мэдээ

”iPhone 6”-г өнөөдөр танилцуулна

“Iphone 6” гар утасыг өнөөдөр олон нийтэд танилцуулна. Энэ гар утас ямар байх талаар олон санааг дэвшүүлж байсан ч саяхан оросууд уг утасны талаарх бичлэгийг нийтэд ил болгосон. Тэгвэл өчигдөр Хятадын нэгэн хэрэглэгч мөн л  нэг хувилбарын зургийг нь твиттертээ тавьжээ.

  Гар утас өмнөх хувилбараасаа илүү өргөн бөгөөд унтраах товчны байрлал баруун гар талд болж өөрчлөгдсөн байна. Одоогийн iPhone-ууд дээр энэ товч дээд талдаа байрладаг билээ. Мөн 16GB, 64GB, 128GB гэсэн хувилбаруудтайгаар худалдаанд гарна. Өнөөдөр Монголын цагаар шөнийн 01.00 цагт гар утсыг танилцуулах бөгөөд гадны зарим телевизүүд шууд дамжуулахаар бэлдэж байна. 

Categories
мэдээ нийгэм

Эрчим хүчний зохицуулах хороо ШӨХТГ-ын торгуулийг төлөхгүй гэлээ

Шударга өрсөлдөөн хэрэглэгчийн төлөө газраас цахилгааны үнийг зөвшөөрөл авалгүйгээр хууль бусаар нэмсэн гэх мэдээллийг олон нийтэд өгсөн. Тэгвэл Эрчим хүчний зохицуулах хорооноос хэвлэлийн бага хурал хийж  ШӨХТГ-аас гаргасан мэдэгдэлд албан ёсны тайлбар хийлээ.

Эрчим хүчний зохицуулах хорооны Ажлын албаны дарга Э.Самдан “Эрчим хүчний салбар өөрөө төрийн оролцоотой онцгой салбар. Тиймээс Эрчим хүчний зохицуулах хорооноос гаргасан шийдвэр өөрөө “Шударга өрсөлдөөний тухай” хуулинд захирагдахгүй. Энэ байгууллагын гаргасан шийдвэр хүчин төгөлдөр буюу цахилгааны үнэ 5 төгрөгөөр нэмэгдсэн хэвээрээ байх болно” гэж мэдэгдлээ. Цахилгааны төлбөрийг 5 төгрөгөөр нэмэгдүүлснээр эрчим хүчний салбарын жилийн алдагдал 10 хувиар буурах боломжтой болжээ.

Харин ШӨХТГ-аас цахилгааны үнэ нэмсэн шийдвэрийг хүчингүй болгож,  ийм шийдвэр гаргасан 6 аж ахуй нэгж, 4 албан тушаалтанд нийт 189 сая төгрөгийн торгууль ногдуулж байгаагаа мэдээлсэн юм.

Categories
мэдээ нийгэм

Ногоон байгууламжийг төлөвлөлтийг ярилцжээ

Нийслэлийн Засаг дарга Э.Бат-Үүл хотын ногоон байгууламж хариуцсан мэргэжилтэн, аж ахуйн нэгжүүдийн удирдлагуудтай уулзжээ. Тэд 2015 онд нийслэлийн ногоон байгууламжийн төлөвлөлтийг хэрхэн хийх талаар ярилцсан байна. Аж ахуйн нэгж байгууллагууд “Мод үржүүлгийн аж ахуй эрхэлдэг газруудыг нийслэлийн зүгээс дэмжих хэрэгтэй байна. Цэцэг тарьж, мод үржүүлдэг байгууллагуудын ажлыг дэмжин ногоон байгууламжийн худалдааны зах барьж өгөөч” гэсэн хүсэлт тавьсан аж. Харин хотын дарга “Улаанбаатар хотын ногоон байгууламжийг төлөвлөлттэй хийх шаардлагатай байна. Төлөвлөлтөө хийгээд ир, хамтдаа хийе. Ногоон байгууламжийн худалдааны зах байгуулах ажлыг судалъя. Байршил талбайг нь ч ярилцах хэрэгтэй байна гэсэн хариултыг өгчээ.

Categories
мэдээ нийгэм

“Улаанбаатар түншлэл-2014” олон улсын үзэсгэлэн худалдаа болно

МҮХАҮТ, Нийслэлийн ЗДТГ-тай хамтран
“Улаанбаатар Түншлэл- 2014” Олон Улсын үзэсгэлэн худалдааг 19 дахь
жилдээ зохион байгуулах гэж байна.  Үзэсгэлэнд экспортын болон
экспортлох боломжтой бүтээгдэхүүн үйлдвэрлэгч, зах зээлийн эрэлт
хэрэгцээг хангагч бүх шатны үйлдвэрлэл үйлчилгээ эрхлэгч, Олон улсын
стандартад нийцсэн импортын бараа бүтээгдэхүүн, үйлчилгээ үзүүлэгч
байгууллага аж ахуйн нэгж, үндэсний үйлдвэрлэл эрхлэгч, бизнесийг
дэмжигч байгууллагууд хамтран оролцоно.

Үзэсгэлэнгийн хүрээнд “Ази номхон далайн орнуудын дээд хэмжээний чуулга
уулзалт” МҮХАҮТ-д болох бөгөөд MATRADE, TAITRA зэрэг ОУ-ын байгууллагын
гишүүн компаниуд үзэсгэлэнд оролцох юм. Энэ удаагийн үзэсгэлэнд
урьдчилсан байдлаар Малайз, Япон, Тайвань зэрэг улс орноос нийт 40 гаруй
аж ахуйн нэгж оролцож, Монголын хэрэглэгчдэд бүтээгдэхүүн, үйлчилгээг
сурталчилан, бизнесийн түнш хайх зорилгоор оролцохоор бүртгүүлсэн байна.
_

Үзэсгэлэн доорх нэр төрлөөр явагдана.

.
  • Барилга, барилгын материал
  • Банк санхүү, зээлийн боломж
  • Тоног, төхөөрөмж
  • Эм, эмийн бүтээгдэхүүн
  • Ноос, ноолуур
  • Хүнс, хүнсний бүтээгдэхүүн
  • Шинэ техник, технологи
  • Арьсан эдлэл, бэлэг дурсгал
  • Гэр ахуйн хэрэгсэл
  • Гоёл чимэглэл
  • Үндэсний эдлэл
.
Үзэсгэлэнд ирснээр бүтээгдэхүүн,
үйлчилгээнийхээ чанар, хийц загварын түвшинг жишиж үзэх, шинэчлэл байгаа
эсэх, хэрэглэгчиддээ бараа бүтээгдэхүүнээ цогц хэлбэрээр танилцуулж,
хүргэхээс гадна аж ахуйн нэгжүүд өөр хоорондоо туршлага судлах, мэдлэг
солилцох, хоршиж ажиллах, зах зээлийн шударга өрсөлдөх олон боломжийг
зохион байгуулагчид олгож байна. Мөн бүтээгдэхүүн, үйлчилгээний нэр
төрөл жилээс жилд олширч, шинэ дэвшилтэт технологи, тоног төхөөрөмжийг
нэвтрүүлснээр худалдан авагчийн сэтгэл ханамж нэмэгдэж, зах зээлийн
эрэлтийг нэмэгдүүлэх нь энэхүү үзэсгэлэнгийн нэгэн зорилт юм. Олон улсын
үзэсгэлэн худалдаа 2014 оны 09 дүгээр сарын 11-15-ны өдрүүдэд Мишээл
экспо төвд болно гэж Нийслэлийн ЗДТГ-ын Хэвлэл мэдээлэл, олон нийттэй харилцах хэлтсээс мэдээллээ.
Categories
мэдээ спорт

Э.Ням-Очир БНСУ-ын бөхийг яллаа

Чөлөөт бөхийн ДАШТ-ий хоёр дахь өдөр эрэгтэйчүүдийн 61, 65, 74, 97 кг-ын жингийн барилдаан болж байна.

Дөнгөж сая эрэгтэйчүүдийн  61 кг-ын жинд өрсөлдөж буй Э.Ням-Очир эхний тойрогт БНСУ-ын бөхийг 3:2 харьцаагаар яллаа. Манай бөх дараагийн тойрогт Ираны Саид Мохаммадитай барилдана. Энэ жинд 26 бөх барилдаж байна.

Түүнчлэн тэмцээний 97 кг-ын жинд өрсөлдөж буй  Оюутны “Универ¬сиад” наадмын хүрэл, Ази тивийн аварга шалгаруулах тэмцээний алт, хошой хүрэл медальт, ОУХМ, Д.Хүдэрбулга эхний барилдаанд Узбекийн бөх Омаров Омарыг 5:0 харьцаагаар ялаад байна. Д.Хүдэрбулга дараагийн барилдаанд Казахстаны бөхтэй хүч үзнэ. Энэ жинд 31 бөх хүч үзэж байна.

Categories
мэдээ спорт

Г.Мандахнаран өрсөлдөгчөө онооны давуу байдлаар яллаа

Чөлөөт бөхийн ДАШТ-ий 65 кг-ын жинд өрсөлдөж байгаа Монгол Улсын Гавьяат тамирчин Г.Мандахнаран эхний өрсөлдөгч болох Украины Титал Жафаряныг 15:5 харьцаагаар (I үед 6:5, II үед 9:0) буюу онооны давуу байдлаар цэвэр яллаа. Энэ жинд 32 бөх хүч үзэж байна.

Г.Мандахнаран өнгөрсөн жилийн ДАШТ-ээс Монголын эрэгтэй тамирчдаас ганцаар хүрэл медаль хүртэж байсан билээ.

Одоо Г.Мандахнаран хоёрдугаар тойрогт 2013 оны Дэлхийн болон Европийн аварга, Армены тамирчин Давид Сафарянтай барилдана.

Categories
мэдээ улс-төр

Ж.Батзандан ямар учиртай мэдээлэл хийв

УИХ-ын гишүүн Ж.Батзандан дөнгөж сая цаг үеийн асуудлаар мэдээлэл хийлээ. Тэрбээр Ерөнхий сайдын өчигдрийн хийсэн дуулиант мэдэгдэлтэй санал нэг, дэмжиж байгаагаа илэрхийлээ. Тодруулбал, “Ж.Батзандан “Ерөнхий сайд Засгийн газрынхаа бүтэц, бүрэлдэхүүнд өөрчлөлт оруулна гэдгээ албан ёсоор мэдэгдсэн. Үүнийг бид сайшаан дэмжиж хүлээн авч байна. УИХ-ын гишүүний хувьд данхар, үрэлгэн захиргааны бүтэцдээ өөрчлөлт оруулаач гэдэг шаардлагыг жил 6 сарын өмнө Ерөнхий сайдад амаар болон бичгээр хүргүүлж байсан. Жил 6 сар асуудлыг шийдэлгүй явж ирсэн. Эцэст нь үнэнд гүйцэгдлээ. Энэ намрын чуулганаар Засгийн газрын бүтэц бүрэлдэхүүн төдийгүй, захиргааны шинэчлэлийн асуудлыг нухацтай авч үзэх ёстой гэж бодож байгаа” гэв.

Categories
мэдээ спорт

Өсвөрийн волейболчид мөнгөн медаль хүртлээ

Монгол туургатны олон улсын хүүхдийн V наадам есдүгээр сарын 2-5-ны
хооронд БНХАУ-ын ӨМӨЗО-ны Хөх хотноо боллоо. Монгол, ОХУ-ын Буриад,
БНХАУ-ын ӨМӨЗО-ны өсвөрийн тамирчид спортын найман төрлөөр өрсөлдсөн юм.
Манай улсаас тус наадамд волейболын охидын хоёр баг оролцож, мөнгөн
медаль хүртсэн амжилтыг үзүүллээ.

Л.Отгонцэцэг дасгалжуулагчтай, Т.Ариунцэцэг ахлагчтай “MGL-1” баг
мөнгөн хүртсэн бол С.Дэлгэрмаа дасгалжуулагчтай, Г.Нарантунгалаг
ахлагчтай “MGL-2” баг V байрт шалгарчээ.

Дашрамд, Монгол туургатны олон улсын хүүхдийн V наадамд оролцсон манай
улсын баг тамирчид спортын найман төрлөөс нийт 62 медаль хүртэж, багийн
дүнгээр тэргүүлжээ.