Баруун дөрвөн замд байрлах “Хайрын төгөл” цэцэрлэгт хүрээлэн байгуулагдаад удаагүй. Тохижилтын ажил ч хийгдсээр байна. Өнөөдөр тус төгөлд түргэн үйлчилгээний цэгийн стандартын дагуу бэлэн болгосон анхны ТҮЦ-ийг байрлууллаа. Нээлтэд НМХГ-ын мэргэжилтнүүд, дүүргүүдйин төлөөлөл оролцож, эко ТҮЦ-ийг танилцуулав. Танилцуулгад дурьдсанаар бол, ТҮЦ-ийн стандартыг шалгуулж, шаардлагыг хангасан тохиолдолд нийслэлийн нутаг дэвсгэрт байрлах түцүүдийг яг иймээр сольж шинэчлэх гэнэ.
Өнгөрсөн наймдугаар сарын 1-ээс эхлэн нийслэлийн нутаг дэвсгэрийн хэмжээнд ТҮЦ-ийг стандартчилах журмыг батлан мөрдүүлэхээр Улаанбаатар хотын захирагч Э.Бат-Үүлд үүрэг болгосон билээ. Журмын дагуу ”Киг” ХХК нь эко ТҮЦ-ийг барьж стандартчилалыг хангасан болохоо Улаанбаатар захиргаа, дүүргүүдийн төлөөлөлд танилцуулсан юм. Энэхүү ТҮЦ нь 15 м/кв хэмжээтэй бөгөөд дотор нь орж үйлчлүүлэх боломжтой юм байна. Аюулгүй байдлын журамд зааснаар ОО, угаалтуур, галын хор, халаагуур, гэрэлтүүлэг зэргийг цогц байдлаар шийджээ. Түүнчлэн ТҮЦ-ийн гадна болон дотор талд хяналтын камерыг удахгүй байрлуулах аж.
Дараагийн удаад цонхоор үйлчлэх боломж бүхий ТҮЦ-ийг барина гэдгээ “Киг” компанийнхан мэдэгдсэн юм. Одоогийн байдлаар нийслэлийн есөн дүүргийн хэмжээнд 404 ТҮЦ үйл ажиллагаа явуулдаг ажээ. Харин эко ТҮЦ шинэ стандартад нийцэж, шаардлага хангавал үнэ өртгийг тогтоож, цаашид ТҮЦ-ийг шинэчлэх ажил хийгдэх ажээ. Эко ТҮЦ нь модоор баригдсан тул халах, хөрөхдөө удаан, ажиллуулж буй болон үйлчлүүлж байгаа иргэдийг тав тухтай орчноор хангасан хэмээн холбогдох албаны хүмүүс мэдэгдлээ. Тэдний санаачлагыг төрөөс дэмжиж ТҮЦ ажиллуулж буй хүмүүстээ үнийн уян хатан байдлыг санал болгох аж. Цаашдаа ч олон нийтийн үйлчилгээний байгууллагуудын стандартчилалыг өндөржүүлэхэд дорвитой ажил хийхээр төлөвлөөд байгаа гэв.
Тэртээх 13 жилийн өмнө буюу 2001 оны есдүгээр сарын 11-нд дэлхий нийтийг цочроосон томоохон террорист халдлага гарсан. АНУ-ын Нью-Йорк хотод орших Дэлхийн худалдааны төвийн ихэр цамхаг нурсан террористуудын халдлагад өртсөн билээ. Энэ халдлагыг “Аль Каида” бүлэглэлийн 19 гишүүн АНУ-ын иргэний агаарын тээврийн дөрвөн онгоцыг барьцаалж үйлдсэн юм. Уг өдөр амиа алдсан хүмүүсийн дурсгалыг АНУ-аас манай улсад суугаа онц бөгөөд бүрэн эрхт элчин сайдын яамны ажилчид хүндэтгэн нэг минут дуугай зогсон төрийнхөө далбааг бөхийлгөсөн байна.
Монгол Улсын нутагт Замын хөдөлгөөний дүрэм зөрчсөн БНХАУ-ын иргэний тээврийн хэрэгсэл жолоодох эрхийг 2 жилээр хаслаа. Тодруулбал, энэ сарын 9-нйи өдөр Хан-Уул дүүргийн нутаг Яармагийн гүүрэн дээр БНХАУ-ын иргэн улаан гэрэл зөрчиж замын хөдөлгөөнд оролцжээ. Улмаар тухайн хятад иргэний эхнэр цагдаагийн алба хаагчын шаардлагыг биелүүлэхгүй, хэл амаар доромжилж асуудал үүсгэжээ. Улмаар тухайн иргэнийг цагдаагийн алба хаагчын тавьсан шаардлагыг биелүүлээгүй гэж шалгажээ. 
“Намрын ногоон өдрүүд” нэгдсэн арга хэмжээний хүрээнд “Шилмэл мал-2014” гойд ашиг шимт үржлийн малын үзэсгэлэн, дуудлага худалдаа есдүгээр сарын 12-14-ний өдрүүдэд “Хүй долоон худагт” зохион байгуулах гэж байна. Үйлдвэр, хөдөө аж ахуйн яамнаас хоёр дох жилдээ зохиож буй тус үзэсгэлэн худалдаа нь шинжлэх ухааны үндэслэлтэй мал сүргийг эрүүлжүүлэх, ашиг шим, үржлийн чанарыг дээшлүүлэх, малын удмын санг хамгаалах, сайжруулах, баяжуулах үйл ажиллагааг олон түмэнд танилцуулах зорилготой аж.
лэл хийлээ. Тэдний мэдэгдсэнээр энэ хичээлийн жилд тус сургуулийн сургалтын төлбөр 13 хувиар нэмэгдсэн ч багш, оюутнуудад зориулсан ямар ч үйлчилгээ явуулаагүй, нэмээгүй байна. Тус сургуулийн төлбөр өнгөрсөн жил нэг кредит нь 44515 байсан бол энэ жил 53000 болжээ. Ингэхээр нийт төлбөр нь хоёр сая гарч байгаа аж. Оюутны холбооны зүгээс төлбөр нэмсэн үндэслэлийг албан ёсны тайлбарлуулахыг хүссэн боловч хариу ирүүлэхгүй байгаа аж.
БНХАУ-ын Засгийн газрын буцалтгүй тусламжаар хэрэгжүүлж байгаа Бээжингийн гудамжны 0.9 км авто зам, 74 у/м гүүрийн өргөтгөл, шинэчлэлтийн ажил явагдаж байгаа билээ. Уг ажлын хүрээнд энэ сарын 20-ноос эхлэн арав хоногийн хугацаатай ШУТИС-ийн уулзвараас зүүн тийш авто замын хөдөлгөөнийг бүтэн хаахаар болжээ. Энэ хугацаанд өнгө асфальт бетон хучилт, тэмдэг тэмдэглэгээний ажлыг хийх юм байна. 
Баянгол дүүргийн Засаг даргын Тамгын газраас хөл газрын ургамалтай тэмцэх ажлыг зохион байгууллаа. Энэ ажлын хүрээнд хийсэн ажлын тайлангаа Захирагчийн ажлын албаны Тохижилт хог хаягдлын удирдлагын хэлтэст ирүүлсэн юм. Нийт БГД-ийн 20 хорооны орон сууц, гэр хорооллын аж ахуйн нэгж байгууллага, иргэд нийтийн эзэмшлийн болон байгууллага ойр орчмыг 150 байршлын шарилж, хогийн ургамлыг цэвэрлэсэн. Энэ үеэр Баянгол Шинэ-Өргөө ОНӨААТҮГ дүүргийн хэмжээнд шарилж цэвэрлэх ажлыг зохион байгуулсан. Тус цэвэрлэгээгээр хог тээврийн 28 машин, нэг дугуйт ковш ачигчаар 77 удаагийн рейс хийн 358.1 тонн хогийг ачиж тээвэрлэсэн байна.
“Шилмэл мал-2014” арга хэмжээг маргааш Хүй долоон худаг дахь “Монгол наадам цогцолбор”-т зохион байгуулахаар болжээ. Hоёр өдрийн турш үргэлжлэх тус арга хэмжээ нь үржлийн шилмэл мал шалгаруулах, үнэ хаялцуулан худалдаалах, өндөр ашиг шимтэй мал, амьтныг сурталчилан олон нийтэд таниулах зорилготой ажээ.
Узбекистан улсын нийслэл Ташкент хотод чөлөөт бөхийн дэлхийн аварга шалгаруулах тэмцээн дөрөв дэх өдрөө үргэлжилж байна. 58 кг-ын жинд ДАШТ-ний хошой хүрэл медальт, Гавьяат тамирчин Т.Мөнхтуяа оросын бөх, ДАШТ-ний хүрэл медальт, европийн аварга Валерия Кобловад ялагдсан. Коблова алтан медалийн төлөө барилдахаар болсон тул манай тамирчин дагах барилдаан хийж, Италийн бөх Карола Рэйнеротой барилдаж 14:4 харьцаагаар ялсан. Улмаар дараагийн барилдаанаа Туркийн бөх Элиф Есилирмалтай дөнгөж сая хийж 0:8 харьцаатай хожигдол хүлээлээ. Манай бөх Туркийн бөхийг ялсан бол хүрэл медалийн төлөө барилдах эрхтэй болох байсан юм. Ийнхүү Т.Мөнхтуяа тэмцээнийг орхиж байна.