Month: September 2014

Categories
мэдээ спорт

Эмэгтэй гар бууны 10 метрийн дасгал эхэллээ

Дөрвөн
жилд нэг удаа зохиогддог буудлага спортын Дэлхийн аварга шалгаруулэх тэмцээн
Испанийн Гранада хотноо тав дахь өдрөө үргэлжилж байна.

Энэ
өдөр манай есөн тамирчин галын шугамд онч сорино. Эмэгтэйчүүдийн хийн гар бууны
10 метрийн дасгалд Гавьяат тамирчин О.Гүндэгмаа, ОУХМ Ц.Мөнхзул, ОУХМ
Т.Баярцэцэг нарын буучид өрсөлдөх юм. Энэ дасгалд эхний таван байр эзэлсэн
тамирчид олимпийн эрхээ авах юм. Тэмцээний урьдчилсан буудлага Улаанбаатарын
цагаар 15.00-17.25-д болж, шигшээ буудлага 20.00-20.30 цагийн хооронд болно.

50
метрийн гурван байрлалаас 60 сум буудах дасгалд ОУХМ Г.Нандинцэцэг, ОУХМ
О.Янжинлхам, ОУХМ Ч.Нарантуяа нар буудна. Урьдчилсан буудлага 15.00-16.45 цагт,
шигшээ буудлага 18.00-19.00 цагийн хооронд болох юм. Энэ дасгалд эхний зургаан
байр эзэлсэн тамирчид олимпийн эрхээ авах юм.

Мөн
50 метрийн гурван байрлалаас 120 сум буудах эрэгтэйчүүдийн дасгалд ОУХМ
Н.Баярмаа, ОУХМ Б.Бишрэл, ОУХМ Х.Бямбабаатар нар буудна. Урьдчилсан буудлага
17.30-23.45 цагийн хооронд болох бөгөөд шигшээ буудлага маргааш болно.

Дашрамд дурдахад, 51 дэх удаагийн ДАШТ-нд оролцож буй Монгол Улсын
шигшээ багийн тамирчдаас спорт гар бууны 25 метр дасгалд Гавьяат тамирчин
О.Гүндэгмаа, ОУХМ Ц.Мөнхзул, ОУХМ Т.Баярцэцэг нарын бүрэлдэхүүнтэй Монголын
тамирчид багийн дүнгээр 1739 оноо авч, мөнгөн медаль хүртээд байна. Монголын
мэргэн бууч бүсгүйчүүд 1998 онд яг энэ дасгалдаа дэлхийн аваргын хүрэл медаль
хүртэж байсан юм

Categories
мэдээ улс-төр

Азийн худалдааг дэмжих форумын төлөөлөгчдийг хүлээн авч уулзав

‘Улсын
Их Хурлын дарга З.Энхболд өнөөдөр /2014.09.12/ Азийн худалдааг дэмжих форумын
тэргүүнүүдийн 27 дугаар ээлжит хуралдааны төлөөлөгчдийг хүлээн авч уулзав.

 Улсын
Их Хурлын дарга уулзалтын эхэнд ээлжит форумын төлөөлөгчидтэй уулзаж байгаадаа
баяртай байгаагаа илэрхийлээд хуралдаанд нь амжилт хүссэн юм. Түүнчлэн Монгол,
ОХУ, БНХАУ-ын төрийн тэргүүнүүд уулзаж байгаа чухал өдөр бидний уулзалт болж
байна гээд тус байгууллага нь анх таван гишүүнтэйгээр байгуулагдаж байсан бол
өнөөдөр Азийн 24 орны худалдааг дэмжих байгууллагыг эгнээндээ нэгтгэж,
амжилттай ажиллаж байгаад баяр хүргэлээ. Тэрбээр худалдааг хөнгөвчлөх, гадаадын
хөрөнгө оруулалтыг татах болон ногоон эдийн засагт шилжих, ногоон үйлдвэрийг
хөгжүүлэх нь Монгол Улсын төр, засгийн нэн тэргүүнд шийдвэрлэх асуудлуудын нэг
хэсэг гэдгийг дуулгаад энэ талаар хуралдаж цаашдын хөгжлийн гарцыг олох, өөрийн
орны бүс нутгийн бизнесийг тэр зүгт чиглүүлэхээр хамтран хэлэлцэж байгаад
талархаж байгаагаа илэрхийллээ. Мөн Монгол Улс сүүлийн жилүүдэд гадаадын
хөрөнгө оруулалтыг татах чиглэлээр хэд хэдэн бодлого боловсруулан хууль эрх
зүйн болоод хөрөнгө оруулалтын таатай орчныг бүрдүүлэх чиглэлд бодитой алхмууд
хийснийг онцлоод үүнд Монголын үндэсний худалдаа, аж үйлдвэрийн танхим томоохон
хувь нэмэр оруулж байгааг тэмдэглэв.

Хурлын төлөөлөгчид Улсын Их Хурлын даргыг их
ажлынхаа хажуугаар цаг зав гарган хүлээн авч буйд талархал илэрхийлээд хурлаар
ярилцсан асуудлуудын талаар товч мэдээлэл өглөө. Түүнчлэн энэ удаагийн чуулга
уулзалт маш үр дүнтэй болж байгааг онцлоод Монгол Улс өндөр хэмжээнд маш сайн
зохион байгуулж байгааг дуулгасан юм. Хуралдаан Монгол Улсад зохион
байгуулагдсанаараа хамтын ажиллаагаанд ахиц дэвшил гарч байна гэдгийг хэллээ хэмээн
УИХ-ын Тамгын газрын Хэвлэл мэдээлэл, олон нийттэй харилцах хэлтсээс мэдээлэв.

Categories
мэдээ нийгэм

Налайхын МСҮТ дадлагын станцтай болжээ

Энэ
жил Налайх дүүргийн МСҮТ-ийн 60 жилийн тэгш ой тохиож байна. Ойн албан ёсны
нээлтийн арга хэмжээг энэ сарын 25-ны өдөр болох аж. Энэхүү ойг тохиолдуулан
тус төвийн үйл ажиллагааг дэмжих, суралцагчдын мэдлэг, чадварыг нэмэгдүүлэх
зорилгоор Хөдөлмөрийн яамнаасБНСУ-д үйлдвэрлэсэн KIA маркийн хоёр ширхэг
суудлын автомашин бэлэглэжээ. Мөн 60 жилийн ойн арга хэмжээг угтан Улаабаатар
цахилгаан түгээх сүлжээ ХК-ийн дэмжлэгтэйгээр 35/10КВ-ийн дадлагын дэд станц,
МСҮТ-ийн 60 жилийн түүхийг харуулсан музейг байгуулсан байна.

Хөдөлмөрийн
яамнаас бэлэглэсэн дээрх 2 ширхэг суудлын автомашинаар суралцагчдад жолооны
сургалт явуулж давхар үнэмлэхтэй төгсгөх боломж бүрдэж байгаа юм. Мөн өөрийн
дадлагын дэд станцтай болсоноор цахилгааны ангийн оюутнууд байнгын дадлагын
баазтай болсоноос гадна төгсөгчдыг давтан сургах боломж бүрдэж байна.

Categories
гадаад мэдээ

Францын Ерөнхийлөгч Иракт хүрэлцэн ирлээ

Иракийн шинэ Засгийн
газрыг дэмжиж байгаагаа илэрхийлэн Францын Ерөнхийлөгч Франсуа Олланд тус улсад
хүрэлцэн ирлээ. Тэрээр Багдадад очихдоо хоосон очсонгүй. Тэрээр 15 тонн бүхий
хүмүүнлэгийн тусламж авчирсан бөгөөд түүнийгээ Эрбиль хотынхонд хүлээлгэн
өгчээ. Францын Ерөнхийлөгч Багдадад байх хугацаандаа Иракийн удирдлагтай уулзах
юм байна.

Ю.Дэлгэр

Categories
мэдээ нийгэм

Тавдугаар сургуулийн номын санд ном хандивлажээ

Тахарын
албаныхан Ататуркийн нэрэмжит V сургуулийн номын санд “Залуу хүний заавал унших
ёстой 100 номын жагсаалт”-д багтсан 9 номыг хүлээлгэн өгч байна. Эдгээр ном нь
сүүлийн жилүүдэд олдоц багассан, эрэлт ихтэй номууд юм. Хүүхэд, залуусын
ертөнцийг харах цонх болсон сургуулийн номын санд “Залуу хүний заавал унших
ёстой” энэхүү 9 номыг өгч байгаа нь 5 дугаар сургуулийн 2600 гаруй сурагчийн
оюуны санд оруулж буй томоохон хөрөнгө оруулалт болж байна. Тахарын албаныхан
бидний ирээдүй болсон хүүхэд залуусын төлөө эхэлсэн энэхүү үйлсээ Хууль зүйн яамнаас
зохион байгуулж буй “Эрх чөлөөтэй Монгол хүн” 10 хоногийн аяны хүрээнд зохион
байгуулж байгаа юм байна.

Хууль
зүйн яамнаас энэ сарын 13-ны өдөр “Нээлттэй хаалганы өдөрлөг” зохион байгуулна.
Дээрх өдөрлөгийг угтан зохион байгуулж байгаа энэхүү аян нь нийгмийн сайн
сайхны төлөө, хүүхэд залуусын боловсролын төлөө хийж байгаа буянтай ажил
болохыг Ататуркийн нэрэмжит 5 дугаар сургуулийн сурагч, багш, удирдлагууд
онцлон хэлж байсан юм. 

Categories
гадаад мэдээ

Yahoo-г 250 мянган ам.доллараар торгох гэнэ

Интернэт дэх хайгуулын
хамгийн том систем болох Yahoo компанийг нэг өдрийн 250 мянган ам.долларын
торгууль оногдуулна хэмээн Америкийн эрх баригчид заналхийсэн байна.  Тус компани нь өөрийн хэрэглэгчдийн тухай
мэдээллийг өгөхөөс татгалзсан тул ийнхүү заналхийлсэн тухай мэдээллээ. “The
Washington Post” сонинд бичсэнээр Yahoo компанийн удирдлага Америкийн тагнуулын
албаны уг шаардлагыг хууль бус хэмээн үзэж эсэргүүцжээ. Тиймээс ч шүүхэд
хандсан байна.

Ю.Дэлгэр  

Categories
мэдээ нийгэм

Хоригдлуудад эмнэлгийн үйлчилгээний талаар мэдээлэл өгнө

“Хоригдогсдод үзүүлэх
эмнэлгийн тусламж үйлчилгээнд тулгамдаж буй асуудал, шийдвэрлэх арга зам” сэдэвт хэлэлцүүлэг энэ
сарын 15 буюу ирэх даваа гаригт Шүүхийн шийдвэр гүйцэтгэх ерөнхий газарт болно. Тус хэлэлцүүлэг нь хоригдогсдод үзүүлж буй эмнэлгийн тусламж үйлчилгээний өнөөгийн байдал, эрх зүйн зохицуулалтын болон практикт ажиллагааны явцад тулгарч буй хүндрэл
бэрхшээлтэй асуудлыг хамтран шийдвэрлэх, саналын болон үйл
ажиллагааны зөрүүтэй байдлыг нэгтгэн дүгнэх, байгууллага хоорондын ажлын уялдаа холбоог сайжруулахад чиглэж
байгаа гэнэ.

Categories
мэдээ спорт

Чөлөөт бөхийн эрэгтэй тамирчид эх орондоо ирлээ

Узбекийн нийслэл Ташкент хотод
болсон Чөлөөт бөхийн насанд хүрэгчдийн ДАШТ-нд манай эрэгтэй тамирчид амжилттай оролцоод өчигдөр эх
орондоо ирж байна. 61 кг-ын жинд олон улсын хэмжээний мастер Э.Ням-Очир, 65
кг-ын жинд Гавьяат тамирчин Г.Мандахнаран нар хүрэл медаль хүртсэн. Мөн Э.Бэхбаяр
57 кг-ийн жинд мөнгө, хүрэл медалийн төлөө
барилдаан хийж тавдугаар байрт,125 кг-ын жинд олон улсын хэмжээний мастер
Ж.Чулуунбат долоодугаар байрт орсон.

 

Categories
мэдээ нийгэм

2014 оны 9 дүгээр сарын 13-наас 2014 оны 9 дүгээр сарын 17-ныг хүртэлх цаг агаарын урьдчилсан төлөв:

13-нд
ихэнх нутгаар, 14-нд зүүн зүгийн нутгаар хур тунадас, уулархаг нутгаар нойтон
цас орно. Салхи 13-нд говь талын нутгаар, 14-нд зүүн зүгийн нутгаар секундэд
12-14 метр хүрч ширүүснэ. Хугацааны эхээр хүйтэрч Алтай, Хангай, Хөвсгөл,
Хэнтийн уулархаг нутгаар шөнөдөө 6-11 градус хүйтэн, өдөртөө 3-8 градус дулаан,
говийн бүсийн өмнөд хэсгээр шөнөдөө 3-8 градус, өдөртөө 15-20 градус дулаан,
бусад нутгаар шөнөдөө 4 градус хүйтнээс 1 градус дулаан, цочир хүйтэрнэ,
өдөртөө 7-12 градус дулаан байна. 15-наас нутгийн баруун хэсгээр бага зэрэг
дулаарна.

Categories
мэдээ нийгэм

Газар тариалангийн нутгаар цочир хүйтэрнэ

Ус
цаг уурын хүрээлэнгээс гаргасан мэдээгээр есдүгээр сарын 11-12-нд шилжих шөнө
газар тариалангийн бүс нутгаар ахиухан хэмжээний хур тунадас орж, 13-ны шөнө
цочир хүйтрэхийг онцгой анхааруулав.

БАРУУН АЙМГУУДЫН НУТГААР: Үүлшинэ. Нутгийн хойд хэсгээр хур
тунадас орно. Салхи баруун өмнөөс хойш эргэж секундэд 7-12 метр, нутгийн өмнөд
хэсгээр түр зуур секундэд 16-18 метр хүрч ширүүснэ. Хүйтэрч Баян-Өлгийн нутаг,
Увс, Завханы хойд хэсгээр шөнөдөө 1 градус дулаанаас 4 градус хүйтэн, цочир
хүйтэрнэ, өдөртөө 4-9 градус, Баянхонгорын өмнөд хэсгээр шөнөдөө 14-19 градус,
өдөртөө 23-28 градус, бусад нутгаар шөнөдөө 1-6 градус, өдөртөө 9-14 градус
дулаан байна.

ТӨВИЙН
АЙМГУУДЫН НУТГААР: Үүлшинэ.
Шөнөдөө нутгийн баруун хойд хэсгээр, өдөртөө ихэнх нутгаар бороо, уулархаг
нутгаар хур тунадас орно. Салхи баруун өмнөөс хойш эргэж секундэд 6-11 метр,
зарим газраар секундэд түр зуур 16-18 метр хүрч ширүүснэ. Шөнөдөө Хөвсгөлийн
уулсаар, өдөртөө нутгийн баруун хэсгээр хүйтэрч Хангай, Хөвсгөлийн уулархаг
нутгаар шөнөдөө 1-6 градус хүйтэн, өдөртөө 5-10 градус, Орхон, Сэлэнгэ, Хараа,
Туул голын сав нутгаар шөнөдөө 4-9 градус, өдөртөө 17-22 градус, бусад нутгаар
шөнөдөө 1-6 градус, өдөртөө 11-16 градус дулаан байна.

ЗҮҮН
АЙМГУУДЫН НУТГААР: Үүлшинэ.
Бороо орохгүй. Салхи зүүн өмнөөс секундэд 5-10 метр, өдөртөө зарим газраар
секундэд түр зуур 16-18 метр хүрч ширүүснэ. Шөнөдөө 7-12 градус, өдөртөө 24-29
градус дулаан байна.

ОТРЫН
НУТАГ ХЭРЛЭНБАЯН-УЛААН ОРЧМООР:
Үүлшинэ. Бороо орохгүй. Салхи баруун өмнөөс секундэд 7-12 метр. Шөнөдөө 6-8
градус. Өдөртөө 24-26 градус дулаан байна.

ГОВИЙН
АЙМГУУДЫН НУТГААР: Үүлшинэ.
Бороо орохгүй. Салхи өмнөөс секундэд 5-10 метр, өдөртөө зарим газраар секундэд
түр зуур 18-20 метр хүрч, шороон шуурга шуурна. Дундговийн нутгаар шөнөдөө 8-13
градус, өдөртөө 20-25 градус, бусад нутгаар шөнөдөө 11-16 градус, өдөртөө 23-28
градус дулаан байна.

УЛААНБААТАР
ХОТ: Үүлшинэ. Шөнөдөө бороо орохгүй,
салхи өмнөөс секундэд 6-11 метр, 8-10 градус, өдөртөө үдээс хойш бороо орж,
салхи зүүн өмнөөс баруун хойш эргэж секундэд түр зуур 16-18 метр хүрч ширүүснэ.
20-22 градус дулаан байна.