Өнгөрсөн зургадугаар сарын 22-нд өндөрлөсөн Афганистаны Ерөнхийлөгчийн сонгуулийн дүнг өнөөдөр танилцуулж, шинэ Ерөнхийлөгчийн нэрийг албан ёсоор зарласан тухай “Ройтерс” агентлаг мэдээллээ.
Энэ удаагийн Ерөнхийлөгчийн сонгуульд “Үндэсний төв” намаас нэр дэвшсэн 54 настай Ашраф Гани Ахмадзай ялалт байгуулжээ. Сонгуулийн дүнг албан ёсоор мэдэгдсэний дараа шинэ Ерөнхийлөгч Ахмадзай сонгуульд хамт өрсөлдсөн Абдулла Абдуллахтай хамтран ажиллах гэрээнд гарын үсэг зурж, Гадаад хэргийн сайдын албыг санал болгосон байна.
Тэд Ерөнхийлөгчийн сонгуулийн санал хураалтын дүнгээс болж удаан хугацаанд зөрчилдсөн билээ. Өнгөрсөн сараас эхэлж Абдулла Абдуллахын удирдсан “Шударга ёс” хөдөлгөөний дэмжигчид нийслэл Кабул хотноо эсэргүүцлийн жагсаал зохион байгуулсан юм. Жагсаалын үеэр 32 хүн амиа алджээ. Афганистан шинэ Ерөнхийлөгчтэй болсны дараа АНУ-ын Төрийн нарийн бичгийн дарга Жон Керри тус улсад ажлын айлчлал хийж, баяр хүргэсэн байна.
Шүүхийн Ерөнхий зөвлөлөөс өнөөдөр Шүүхийн сургалт, “Шүүх ба олон нийт” хөтөлбөрийн талаар мэдээлэл хийв. Энэхүү хуралд Дүүргийн эрүүгийн хэргийн анхан шатны II шүүхийн төлөөлөл оролцож, тус шүүхээс 2014 оны эхний есөн сарын Шүүн таслах ажиллагааны талаар болон олон нийтийн анхаарал татсан хэргүүдийг шийдвэрлэсэн байдлын тухай мэдээллийг өглөө.
Францын Ерөнхийлөгч асан Н.Саркози эргэн улс төрд орохоор болсоноо мэдэгдлээ. Тэрээр Францын нэгэн телевизэд ярилцлага өгөхдөө ийнхүү ярьсан байна. Тус улсын улс төрийн байдал нэлээд ээдрээтэй байгаа бөгөөд энэ нь Европыг хямралд автуулах аюултай тул энэ бүхнийг зүгээр нэг хараад сууж чадахгүй хэмээн Н.Саркози ярьжээ. Хэт баруун үзлийг баримтлагч Францын Үндэсний фронт нам засгийн эрхэнд гарах юм бол улс ороных нь байдал хэцүүдэх гэнэ. Ажиглагчдын үзэж байгаагаар Н.Саркози ийнхүү мэдэгдсэн нь 2017 онд болох Францын Ерөнхийлөгчийн сонгууль аль хэдийнэ эхэлсэний дохио аж. 
Бүгд Найрамдах Турк Улсын Батлан хамгаалахын сайд Исмет Илмаз тэргүүтэй Туркийн батлан хамгаалах салбарын төлөөлөгчид 25-26-ны өдрүүдэд Монгол Улсад албан ёсны айлчлал хийнэ.
Афганистанд өнгөрсөн зургадугаар өндөрлөсөн ерөнхийлөгчийн сонгуулийн дүнг өчигдөр олон нийтэд танилцуулжээ. Афганистаны сонгуулийн хорооноос нэр дэвшигч Ашраф Гани Ахмадзайг шинэ төрийн тэргүүнээр зарласан байна.
Хүн амын ундны усны эх үүсвэр, байгалийн нөөц газрыг хамгаалах зорилгоор Сонгинохайрхан дүүргийн 24-р хорооны нутаг дэвсгэр Баруун салааны амны Бумбатын рашааныг Сонгинохайрхан дүүргийн Иргэдийн Төлөөлөгчдийн Хурлын Тэргүүлэгчдийн тогтоолоор 2013 онд Байгалийн нөөц газрын ангилалаар орон нутгийн тусгай хамгаалалтад авсан.
Өнгөрсөн амралтын өдөр Улаанбаатар хотоос Говь-алтай аймаг руу 60 орчим тонн түлш ачиж явсан машин шатсан хэрэг гарчээ. Шатахуун тээвэрлэж явсан машин ямар нэгэн компаний харьяа биш бөгөөд хувь хүн түлш тээвэрлэж явжээ.
Ардын хувьсгалын 93 жилийн ойн баяр наадмын бөхийн барилдаанд шөвгөрсөн бөхчүүдээс хоёр бөх допинг хэрэглэсэн гэдэг нь А сорьцийн шинжилгээгээр тодорхой болсон гэдгийг МҮБХ-ны удирдлагууд мэдэгдсэн. Харин энэхүү шинжилгээний хариуг энэ сарын 25-нд олон нийтэд мэдээллэх юм байна. Учир Үндэсний их баяр наадмын тухай хууль болон холбогдох бусад баримт бичгүүдэд А сорьцийн шинжилгээгээр допин илэрсэн нь тодорхой болвол ажлын гурван хоногт Үндэсний спортын хороо болон МҮОХ-нд таницуулах журамтай аж. Улмаар МҮОХ тэрхүү хариуг тав хоногийн дотор нэр холбогдсон бөхчүүдэд бичгээр мэдээлэх бөгөөд олон нийтийн мэдээллийн хэрэгслээр 14 хоногийн дотор олон нийтэд зарлах хуультай юм байна. Тиймээс энэ хугацаа нь энэ сарын 25-нд дуусч байгаа юм байна.
БНХАУ-ын буцалтгүй тусламжаар хэрэгжүүлж байгаа Бээжингийн гудамжны 0.9 км авто зам, 74 метр гүүрний өргөтгөл шинэчлэлийн ажлын хүрээнд өнөөдөр ШУТИС-ийн уулзвараас зүүн тийш авто замын хөдөлгөөнийг бүрэн хааж асфальт бетон хучилт, тэмдэг тэмдэглэгээний ажлыг эхлүүллээ. Замын хөдөлгөөнийг ирэх сарын 2-нд нээнэ.