Month: August 2014

Categories
арын-нүүр булангууд мэдээ

Англи хэлтэй цагдаа олдохгүй сандралдаж гүйлдээд…

Саяхны нэг өдөр Хан-Уул дүүргийн замын цагдаа хоёр гадаад иргэнийг хэлтэс дээрээ аваад ирэв. Ямар учраас гадаадын иргэдийг саатуулан авчирч байгаа нь тодорхойгүй байв.  Үүдний жижүүрт “Энэ хоёрыг үлдээлээ шүү. Би яараад байна. Мэдүүлэг авна биз. Би хэл нэвтрэхгүй юм байна лээ” гээд гараад явчихлаа. Замын цагдаад баригдаад ирсэн гадаадын иргэд Хан-Уул дүүргийн цагдаагийн хэлтсийн коридороор явах цагдаа болгонд тайлбар хэлээд яваад байх. Харин цагдаа нар нөгөө хоёр нөхрөөс чинь зугтаагаад, тойрч гүйгээд  байх юм. Тэгж байснаа үүдний жижүүр цагдаа нөгөө хоёрыг нэг өрөөнд орууллаа. Тэднээс   байцаалт авах гээд байгаа бололтой. Тэгсэн англи хэлтэй хүн байдаггүй. Жижүүр цагдаа өрөө болгоноор шагайж “Англи хэлтэй юу” гэж асууж байлаа. Гэвч   нэг дүүргийн цагдаагийн хэлтэст англи хэлний мэдлэгтэй  хүн олдсонгүй.  Хурандаа цолтой цагдаа  ирээд “Энэ хавиар англи хэлтэй хүн байна уу” гэж асуух. Тэгснээ “Хоёр давхраас Болдоог дууд. Англи хэлний гурван сарын курст сургасан юм” гэж байна. Тэгсэн   нөгөөх нь “Даргаа би ярьж сураагүй”  гэж хэлээд толгойгоо маажаад зогсоод байх. Энэ мэт англи хэлний гурван сарын эрчимжүүлсэн курст суусан дөрвөн ч  цагдааг дуудлаа. Тэд мөн л “Хэдхэн үг цээжилсэн” гэж хэлэх ажээ.  Ийн мунгинасаар хоёр цаг гаруй хугацааны дараа англи хэлний багш эмэгтэйгээр орчуулга хийлгэж  гадаадын хоёр иргэнээс байцаалт авсан юм.  

Э.ХҮРЭЛБААТАР

Categories
мэдээ

Өнөөдөр цагаагчин гахай өдөр

Аргын тооллын наймдугаар сарын 08. Сугар гариг. Билгийн тооллын 12. Таван шар мэнгэтэй цагаагчин гахай өдөр. Өдрийн наран 05.34 цагт мандаж 20.26 цагт жаргана. Тухайн өдөр хонь жилтнээ аливаа үйлийг хий­хэд эерэг сайн ба бар, туулай жилтнээ сөрөг муу нөлөөтэй тул элдэв үйлд хянамгай ханд. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, сүм дуган сэргээхэд сайн. Газар малтах, худаг гаргахад муу. 

Өдрийн сайн цаг нь үхэр, луу, морь, хонь, нохой, гахай болой. Хол газар яваар одогсод урагш мөрөө гаргавал зохистой. Үс шинээр үргээлгэх буюу засуулахад тохиромжгүй.

Categories
мэдээ нийгэм

Вэбсайтуудын үйл ажиллагаа тасалдсан нь Дата төвтэй холбоогүй байжээ

News.mn вэбсайт хакердуулаад 24 цаг ч болоогүй байхад өнөөдөр олон зуун вэбсайтын үйл ажиллагаа тасалдаж, хэрэглэгчид хэдэн цагийн туршид мэдээ мэдээлэл авч чадаагүй. Энэ доголдлыг вэбсайтуудад үйлчилгээ үзүүлдэг Үндэсний Дата төвийн үйл ажиллагаатай холбож байсан ч энэ нь “Мэдээлэл холбооны сүлжээ” ТӨК-ний кабель тасарснаас үүдэлтэй юм байна. Энэ талаар Үндэсний Дата Төвийн дарга З.Энхболд мэдэгдэл гаргаж, хэрэглэгчдээс хүлцэл өчсөн байна. Тэд доголдлыг бүрэн арилгахаар ажиллаж байгаа гэнэ.

Categories
мэдээ спорт

Өсвөрийн хөлбөмбөгчид Азийн фестивальд уригдлаа

Энэ сарын 8-11-нд БНСУ-ын Кёнги хотын Хвасон хотноо зохиогдох Азийн өсвөрийн хөлбөмбөгчдийн фестивальд хөвгүүдийн 12 болон 15 хүртэлх насны ангилалд урилгаар оролцохоор Чингэлтэй дүүргийн Засаг даргын дэргэдэх өсвөрийн шигшээ баг, 24 дүгээр сургуулийн баг тамирчид өнөөдөр эх орноосоо мордох гэж байна.

Фестивалийг БНСУ-ын Бүх спортын зөвлөл, Бүх спортын хөлбөмбөгийн холбоо, Өсвөр үеийнхний үндэсний хөлбөмбөгийн холбооноос зохион байгуулж, Соёл, спортыг дэмжих сан, Хвасон хот ивээн тэтгэж байгаа аж.

Энэ удаагийн фестивальд Азийн 42 улсын баг уригджээ.

Categories
мэдээ нийгэм

Энэтхэгийн элэгний эмч нар Монголд ирж үзлэг хийнэ

Элэг шилжүүлэн суулгах мэс заслаар алдаршсан Энэтхэг улсын  “Фортис” нэгдсэн эмнэлгийн эмч Вивек Виж Монголд ирэхээр болжээ. Тэрбээр энэ сарын 11-15-ны өдрүүдэд элэгний өвчлөлийн үзлэг хийх юм байна.

Монгол Улс 2012 оноос эхлэн элэг шилжүүлэн суулгах мэс заслыг эх орондоо хийж эхэлсэн бөгөөд  өнгөрсөн хугацаанд 50 гаруй өвчтөнд энэ хагалгааг амжилттай хийжээ. Харин “Фортис” нэгдсэн эмнэлгийн эмч Вивек Виж нь гурван сар тутамд Монголд ирж, элэг шилжүүлэн суулгасан өвчтнүүдээ үзэж, хяналт тавьдаг аж. Мөн үүний зэрэгцээ шинэ өвчтөн, доноруудад үзлэг хийж хагалгааны урьдчилсан бэлтгэлийг хангахад анхаарлаа хандуулдаг байна. Вивек Виж эмч энэ удаа өмнөх өвчтнүүдээ үзэхээс гадна шинээр үзлэг хийх аж. Эхний өдөр буюу энэ сарын 11-ний өдрийн 14:00-16:00 цагийн хооронд хуучин өвчтөнүүдээ үзэх бол 12, 13-ны 09:00-16:00 цагийн хооронд шинээр үзүүлэх хүмүүсийг Улсын нэгдүгээр Төв эмнэлгийн амбулаторийн 308 тоот өрөөнд хүлээн авах юм байна. 

Categories
мэдээ нийгэм

Морьт эргүүл ирэх сарын 1-нийг хүртэл үүрэг гүйцэтгэнэ

Цагдаагийн Ерөнхий Газрын тэргүүд дэд даргын өгсөн үүргийн дагуу “Хан-Уул” дүүрэг болон “Сонгинохайрхан” дүүргийн нутаг дэвсгэр болох Био комбинатын ийн гүүрнээс “Сонсоголон”-ийн гүүр хүртэлх чиглэлд гэмт хэрэгтэй тэмцэх, гэмт хэргээс урьдчилан сэргийлэх зорилгоор өнгөрсөн долоодугаар сарын 23-наас морьт эргүүл ажиллаж эхэлсэн билээ.

Тэгвэл энэхүү морьт эргүүл ирэх есдүгээр сарын 01-ний өдрийг хүртэл, өдрийн 12 цагаас оройн 18 цаг хүртэл эргүүлийн үүрэг гүйцэтгэх юм байна.

Categories
мэдээ нийгэм

Архангай аймаг дугуйн замтай болно

Монголын Залуучуудын Холбоо “Спирт үү, спорт уу” аяны хүрээнд “Унадаг дугуйтай Улаанбаатар” төслийг санаачлан хэрэгжүүлж, дэмжигч байгууллагуудыг нэгтгэж, олон үйл ажиллагаануудыг зохион байгуулсаар ирсэн юм. Төслийн хүрээнд нийслэлийн хоёр ч дүүрэгт унадаг дугуйн зам тавьсан. 

Тэгвэл дан ганц нийслэлийн залуучуудад гэлтгүй хөдөө орон нутагт ч унадаг дугуйн зам тавьж эхэлсэн бөгөөд Архангай аймагт энэ удаад дугуйн зам тавих аж. Тодруулбал “Гудамж” төслийн хүрээнд Цэцэрлэг хотод 2,8 км зам тавигдахаар болжээ.

М.Эрдэнэ

Categories
мэдээ нийгэм

Энэ намар хаагдан, засвар хийгдэх замууд

Нийслэлийн замын цагдаагийн газраас ирэх 10-р сарын 30-ныг хүртэлх хугацаанд ямар замуудыг хаах хуваарийг баталжээ.

Дүүрэг

Зам засах, хааж хучилт хийх
байршил

Хэмжээ /км/

Хугацаа

Эхлэх

Дуусах

БЗД

ХУД

 

Богд уулын арын зам Баянзүрхийн
товчооноос Яармагийн гүүр хүртэлзамынөргөтгөл, шинэчлэлт хучилтын
ажил хийхэд замыг хэсэгчлэн түр хаах.

3.8

 

2014.06.07

22:00

 

2014.08.30

ХУД

Төвийн салааны уулзвараас
Сонсголонгийн гүүрний хойд хэсэг хүртэл /түр зам гаргасан/ өргөтгөл,
шинэчлэлтийн ажил хийхэд замыг хэсэгчлэн түр хаасан.

1.5

2014.05.15

11:00

2014.11.15

ХУД

Яармагийн гүүрнээс Нисэхийн товчоо
хүртэл авто замын газар шорооны ажил, хучилт хийж гүйцэтгэхэд замын зорчих
хэсгийг хэсэгчлэн түр хаасан.

–

2014.06.21

22:00

2014.08.25

СБД

Бээжингийн гудамж ШУТИС-ийн
уулзвараас 11-р хорооллын уулзвар, /уулзварыг хаасан/ 11-р хорооллын
уулзвараас зүүн тийш Лхагвасүрэн жанжингийн хөшөөний зүүн хойд уулзвар хүртэл
хөдөлгөөнийг хааж зам засвар /замын зорчих хэсгийн хэсгийг, Сэлбийн гүүрний
баруун талаас зүүн тал хүртэл бүрэн хаах/ өргөтгөл, шинэчлэлтийн ажил хийхэд замыг
түр хаасан.

0.5

 

2014.04.30

2014.07.16

22:00

 

2014.10.30

2014.08.15

СБД

Чойдогийн гудамж Гадаад харилцааны
яамны баруун урд уулзвараас Сонгдо эмнэлэг хүртэл замыг хааж дулааны шугам
солих ажил

 

2014.08.01

22:00

2014.08.16

СХД

Моносын уулзвараас ТЭЦ-ийн уулзвар
хүртэл өргөтгөл, шинэчлэлтийн ажил хийхэд /түр зам гаргасан/ замыг хэсэгчлэн
түр хаасан.

2.5

2014.07.04

02:00

2014.10.31

05:00

М.Эрдэнэ

Categories
гадаад мэдээ

Сансрын буудал байгуулагдана

Техас мужийн амбан захирагч Рик Перри Сансрын “СпейсИкс” компанийг Үндэслэн байгуулагч Илон Маскийн саналыг дэмжсэнээр Дэлхийн хамгийн анхны хувийн сансрын буудал баригдахаар боллоо. Энэхүү сансрын буудлыг Техас мужийн хамгийн өмнө зүгийн хот болох Браунсвиллээс зүүн хойд зүгт 27 км зайтай газарт барихаар болжээ. Сансрын буудлын дэд бүтцийг байгуулахад Техас мужийн эрх баригчид 15 сая долларыг зарцуулахаар болсон гэнэ. 

 Энэхүү объектыг барих тухай шийдвэрийг АНУ-ын Холбооны Нисэхийн Удирдах Газарт танилцуулж холбогдох зөвшөөрлийг авч чадсан байна. Энэ сансрын буудлаас жилдээ 12 удаа сансрын хөлгийг хөөргөх юм. Сансарт пуужин хөөргөх тухай ихэнх захиалгыг НАСА болон хувийн компаниуд өгч магадгүй аж. Одоогийн байдлаар СпейсИкс компани өөрийн сансрын хөлгүүдийг Флорида мужийн Канаверал хошуун дахь сансрын буудал болон Калифорни мужийн Санта-Барбара тойрогт байдаг Нисэх хүчний Ванденбергийн цэргийн баазаас хөөргөж байгаа билээ.

 М.Эрдэнэ

Categories
онцлох-нийтлэл туслах-ангилал

Хөвсгөл-Булганы авто замын ажил 70 гаруй хувьтай байна

Аймгийн төвүүдийг нийслэлтэй хатуу хучилттай авто замаар холбох ажил ид үргэлжилж байна. Хөвсгөл-Булганы чиглэлийн 253 км авто замын ажлыг, зам барилгын дөрвөн компани хэсэгчлэн хувааж гүйцэтгэж байгаа бөгөөд Хөвсгөл аймгийн Уньт-Тариалан чиглэлийн 88 км хатуу хучилттай замын ажлыг “Эйч Ки Би интернэшнл холдинг” компани гүйцэтгэж байна. Эхний 40 км авто замын ажил 90 хувьтай, энэ сарын 30-нд бүрэн ашиглалтад орох гэнэ. Харин үлдсэн 48 км авто замын ажил 65 хувьтай, ирэх аравдугаар сарын 30 гэхэд бүрэн дуусах төлөвлөгөөтэй ажиллаж байгаа ажээ. 

Мөрөн-Тариалан чиглэлийн 32 км авто замыг “Хотгор зам” ХХК-ийнхан барьж гүйцэтгэж байна. Замын ажлын явц 71 хувийн гүйцэтгэлтэй байгаа бөгөөд нийтдээ 145 хүн зам, барилгын ажлыг хийж байгаа гэнэ. Гэрээний хугацаа өнгөрөгч долоодугаар сарын 10-нд дууссан ч цаг агаарын байдлаас шалтгаалан ажил хэсэг хугацаанд саатсан гэдгийг тус компанийн удирдлагууд нуусангүй. “Хотгор зам” компанийн барьж гүйцэтгэж буй замтай залгаад “Их Монгол барилга” компани Мөрөн-Тариалан чиглэлд 25 км авто замын ажил хийхээр гэрээ байгуулжээ. Харин тус компанийн ажлын явц 50 гаруйхан хувьтай явж байна. Зам, тээврийн сайд А.Гансүх тус компанийг замын ажлыг цагт нь эхлээгүй, ажлын гүйцэтгэл муу байгаа зэргийг шүүмжлэлтэй хандсан юм.  

Ийнхүү өнөөдрийн байдлаар Хөвсгөл-Булганы чиглэлийн 253 км авто замын 130 орчим км нь хатуу хучилттай замаар холбогджээ. 

М.Эрдэнэ