АНУ-ын Нью-Жерси мужийн Хелметт хотын 58 настай цагдаагийн албан хаагч Ричард Ресин Ерөнхийлөгч Барак Обама Үндсэн хууль зөрчдөг учир би ч Үндсэн хуулийг мөрдөхгүй гэжээ. Түүний үг тус улсад ихээхэн шуугиан тариад байна.
Яагаад ингэж хэлсэн гэхээр тус хотын оршин суугч Стив Вронко амьтад асрах газрын шинэчлэлийг шүүмжилж, дүрс бичлэг авч байсан гэнэ. Тухайн үед цагдаагийнхан түүн рүү ирж, бичлэг авахаа зогсоохыг хүсчээ.
Харин Стив Вронко АНУ-ын Үндсэн хуулийн дагуу олон нийтийн газар дүрс бичлэг авах эрхтэй гэсэн ч цагдаагийн албан хаагч Ричард Ресин “Обама Үндсэн хуулийг устгасан учраас тэр Үндсэн хуулийг би дагахгүй” гэжээ.
Түүнийг энэ яриа Стивийн дүрс бичлэгийн камерт бичигдэж, улмаар Reddit хэмээх мэдээллийн цахим хуудаст тавигдсан даруйдаа маш олон хүн үзжээ. Харин “интернэт од” болсон Ричард Ресин ажлаасаа халагдсан гэнэ.
Өнгөрч буй энэ долоо хоногт Монгол Хятадын болон Монгол Японы бизнес форумууд боллоо.
Ерөнхий сайдын ахлах зөвлөх Л.Гансүх Төв аймгийн Урьдчилсан хорих байранд хоригдсноос хойш багагүй хугацаа өнгөрөөд байна.
Үүнээс гадна ШШГЕГ-ын дарга С.Буяндалайд хандаж гомдол гаргасан байна. Уг албан бичигт “Өөрийн үйлчлүүлэгч Л.Гансүхтэй уулзаад түүний бичсэн өргөдлөөс тэмдэглэл бичиж авах гэтэл ээлжийн ахлагч Баярмагнай өмгөөлөгч та тэмдэглэл хөтлөж болохгүй. Бид нар хөтлүүлэхгүй хэмээн өмгөөллийн үйл ажиллагааг хязгаарлалаа” хэмээн дурджээ. 
Иракийн хэт даврагч “Халифын вант улс” бүлэглэл хяналтаас гарч буйг АНУ-ын Ерөнхийлөгч Барак Обама буруутгаж, агаараас довтлохоо өнгөрсөн баасан гаригт мэдэгдсэн юм. Тэгвэл АНУ-ын нисэх хүчин тус бүлэглэлд эзлэгдээд буй Курд үндэстний Ирбил хот руу нисэгчгүй онгоцоор гал нээсэн тухай “Ройтерс” агентлаг мэдээллээ. Иракийн Засгийн газраас мэдэгдсэнээр тус дайралтын улмаас хамгийн багадаа 10 мянган иргэн дүрвэсэн гэв. АНУ 2011 оны сүүлээр цэргээ татсанаас хойш анх удаа Ирак руу довтолж байгаа юм.
Эбола вирусын улмаас Африкийн орнуудад аялал, жуулчлал, албан болон хувийн ажлаар зорчихгүй байхыг ДЭМБ-аас сануулсан тухай “ВВС” агентлаг мэдээллээ. Гвиней улсын Эрүүл мэндийн яам Эбола вирусээр 151 иргэн халдварлаж нэг долоо хоногийн дотор 99 хүн амиа алдсан гэв. Нас барсан иргэдийн найм нь тус яамны ажилтан байжээ.
Хичээлийн шинэ жил ойртож байгаатай холбогдуулан 113 мянган оюутанд нийтийн тээврээр үнэгүй зорчих эрхийг БШУЯ, МОХ, Нийслэлийн нийтийн тээврийн газрууд харилцан зөвшилцсөний үндсэн дээр олгохоор шийдвэрлэсэн байна. Өнөөдрийн байдлаар 80 мянга орчим оюутан смарт карт захиалжээ.
Монгол Улсын нэгдсэн төсвийн долоодугаар сарын гүйцэтгэлийн мэдээгээр төсвийн тэнцвэржүүлсэн нийт орлогын бүрдүүлэлт 88 хувь, нийт зарлага 72.8 хувийн гүйцэтгэлтэй гарсан байна. Улмаар төсвийн нийт тэнцэл 160.9 тэрбум төгрөгийн алдагдалтай гарчээ. Тэнцвэржүүлсэн нийт орлого долоодугаар сард 3305.2 тэрбум төгрөгт хүрч, орлогын төлөвлөгөө 12 хувь буюу 450 тэрбум төгрөгөөр дутуу биелсэн байна. Энэ нь өмнөх оны мөн үетэй харьцуулахад 265.2 тэрбум төгрөгөөр илүү байгаа аж.
Арав гаруй жилийн тэртээгээс Монголд гадны хөрөнгө оруулагчдыг урин “Дисковер Монголиа” арга хэмжээг зохион байгуулсаар ирсэн. Харамсалтай нь энэ удаагийн арга хэмжээнд гадны хөрөнгө оруулагчид бараг бүртгүүлэхгүй байгаа мэдээлэл байна. Монголыг гадаадад сурталчлах, гадаадын хөрөнгө оруулалтыг татах зорилгоор анх 2003 онд зохион байгуулахад 250 хүн оролцож, түүнээс хойш тус чуулганд оролцогчдын тоо эрс өсчээ. “Дисковер Монголиа” чуулганд 600-800, давхардсан тоогоор 1000 оролцогч ирсэн жил ч бий. Өнгөрсөн жилийн чуулган маш тааруу болсныг салбарынхан мэдээлж байв. Энэ жил бүр ч муудах хандлагатай байгаа бөгөөд нийт 200 гаруй хүн ирэх таамаг байгаа аж. Дашрамд дурдахад, энэ жилийн хөрөнгө оруулагчдын чуулганыг “Welcome back” буюу эргэж ирээрэй уриан дор зохион байгуулахаар болжээ. 
Цахимаар газар өмчлүүлэх ажил эхэлснээс хойш нэг долоо хоног өнгөрөхөд одоогийн байдлаар 190 мянга гаруй иргэн газар өмчлөх хүсэлтээ илгээсэн байна. Нийслэлийн Сонгинохайрхан болон Баянзүрх дүүрэгт газар өмчлөх хүсэлт илгээсэн хүний тоо хамгийн их буюу 64000-аас давсан байна. Мөн Хан-Уул дүүрэгт 45000 орчим иргэн газар өмчлөхөөр хүсэлтээ илгээсэн бол Багануур дүүрэгт 11000 гаруй иргэн хүсэлт илгээжээ. Газар өмчлөх хүсэлт хамгийн багаар илгээсэн дүүрэг нь нийслэлийн Багахангуй дүүрэг болж байна. Тус дүүрэгт 5329 иргэн газар өмчлөх хүсэлтээ илгээжээ. Гэхдээ олгогдох газрын тоо нь ердөө 1483 юм.
Хан-Уул дүүргийн Засаг даргын 2014 оны 08 дугаар сарын 01-ны өдрийн “Хүн малын гоц, халдварт өвчин, тарваган тахал өвчнөөс урьдчилан сэргийлэх” тухай А/239 дүгээр захирамж гарчээ. Энэхүү захирамж дагуу тус дүүргийн Онцгой байдлын хэлтсээс Яармаг, Нисэхийн шалган нэвтрүүлэх постод “Хяналт шалгалт явуулах” ажлын хэсгийг байрлуулан хяналт шалгалтыг тогтмол зохион явуулж буй юм байна. Энэ сарын 6-ны өдрийн байдлаар 326 автомашинд үзлэг шалгалт хийхэд ямар нэгэн зөрчил дутагдал илрээгүй аж. Энэхүү ажлын хүрээнд тарваган тахал өвчнөөс урьдчилан сэргийлэх гарын авлагыг 473 хүнд тараах ажлыг зохион байгуулж ажилласан байна.