Month: August 2014

Categories
мэдээ нийгэм

Хоолны фестиваль болно

Нийслэлийн 375 жилийн ойг угтан “Найрсаг Улаанбаатар” аяны хүрээнд Нийслэлийн соёл урлагийн газар, Вива сити хороолол, М-Си-Эс Проперти, Грийн катеринг компаниуд хамтран маргааш, нөгөөдөр буюу наймдугаар сарын 16, 17-ны өдрүүдэд “UB Food Festival-2014” арга хэмжээг “Вива Сити” хороололд хоёр дахь жилдээ уламжлал болгон зохион байгуулагдах гэж  байна.

Дэлхийн томоохон хотуудын иргэдийн хүсэн хүлээдэг фестивалиудын тоонд хоолны фестивалууд ордог ба гэр бүл, найз нөхөд, хамт олонд зориулагдсан, Улаанбаатар хотын шилдэг ресторан кафенууд, нарийн боов, шингэн хүнс үйлдвэрлэгчид, болон дистрибюторуудыг сурталчлах таниулах зорилготой юм.

Уг фестивальд орон орны амтат хоолыг 1000-3000 төгрөгийн үнэтэйгээр амталж,  ахлах тогооч нарын хоол хийх үзүүлбэр, урлагийн тоглолтууд, бартендер шоу, хөгжөөнт тэмцээнүүд болох ба онцлох үзүүлбэр нь 5х1 метр хэмжээтэй “Найрсаг Улаанбаатар” бялууг хийж өдөрлөгт ирсэн зочдод үнэгүй амтлуулах юм байна. 

Categories
мэдээ нийгэм

”Нүүрс” хөтөлбөр зогсвол иргэд ажлын байраа алдана гэж эсэргүүцэв

“Нүүрс” хөтөлбөрт ажиллаж байсан иргэд болон нийгмийн төлөөлөл өнөөдөр АТГ-ын гадна жагслаа. Тэд “Ард түмэн айдасгүй амьдармаар байна”, “Нүүрс хөтөлбөрийг зогсоосон АТГ буруутай”, “АТГ биднийг ажлын байраар хангах уу” зэрэг лоозонгууд барьсан байв. Тэд АТГ-аас болж “Нүүрс” хөтөлбөр зогсвол ажлын байраа алдаж, амьдрал нь хүндэрнэ хэмээн ийн эсэргүүцлээ илэрхийлэн жагслаа. 

Categories
мэдээ нийгэм

Хордсон 16 хүүхдийн биеийн байдал сайжирч эхэлжээ

“Монос” эмийн сангийн салбараас худалдаалсан тайвшруулах үйлчилгээтэй Фенобарбитал гэх эмэнд 16 хүүхэд хордсон хэрэг дуулиан дэгдээсэн. Дээрх  хүүхдүүд хордлого авснаас хойш зургаан хоног өнгөрч байгаа бөгөөд өнөөдрийн байдлаар тэдний биеийн байдал сайжирчээ. Эрчимт эмчилгээний тасагт эмчлүүлж байсан хүүхдүүд энгийн тасаг руу шилжсэн байна. 

Categories
мэдээ спорт

Өсвөрийн хөлбөмбөгчид Азид нэрээ дуурсгав

БНСУ-ын Кёнги мужийн Хвасон хотод наймдугаар сарын 8-11-нд болсон Азийн өсвөрийн хөлбөмбөгчдийн II наадамд Монголын баг тамирчид амжилттай оролцоод иржээ. Уг наадамд гурван насны ангилалд Азийн 16 улсын 62 баг өрсөлджээ. Манайхаас Чингэлтэй дүүргийн Засаг даргын дэргэдэх өсвөрийн шигшээ баг хоёр насны ангилалд өрсөлдөж, гурав, дөрөвдүгээр байр эзэлсэн байна. ССАЖЯ, “Их талын дуулиан” ТББ-ын шугамаар явсан дээрх хүүхдүүдийн 90 орчим хувь нь нийслэлийн 24 дүгээр сургуулийн баг тамирчид гэнэ. 

Манай 12 хүртэлх насныхан БНСУ-ын “Gwangmeong West Elemantaryschool” багийг 2:1, Японы “Tamagawa Junior Sports Club”- ийг 3:0-ээр хожиж, Узбекистаны алдарт “Бунёдкор”-т 1:10, БНСУын SFA-д 0:3-аар хожигдсоноор зургаан оноо авч, гуравдугаар байрт оржээ. Харин 15 хүртэлх насны баг тамирчид БНХАУын “Taizhou Team Awesome Sports Club-ийг 1:0-ээр хожиж, БНСУ-ын “Phoenix”-тэй 0:0-ээр тэнцэж, “Daeyong Eagles”-т 0:1, “Gongdo”-д 0:2-оор хожигдож, дөрвөн оноо авснаар дөрөвдүгээр байр эзэлсэн аж.

Азийн өсвөрийн хөлбөмбөгчдийн наадамд оролцох зардлыг Чингэлтэй дүүргийн Засаг даргын тамгын газар, “Хүчит Чулуут” компани даажээ. 

Categories
онцлох-нийтлэл туслах-ангилал

Хятадын цагдаа нар Төвдийн тэмцэгчид рүү гал нээжээ

Төвдийн тосгоны ахлагчийг цагдаа нар баривчилжээ. Үүнийг Төвдийн иргэд эсэргүүцэн тэмцсэн байна. Энэ тэмцлийг дарах зорилгоор цагдаа нар гал нээж, арав гаруй хүнийг шархдуулжээ. Жагсагчдын заримыг баривчилж, нөгөө хэсэг нь зугтсан аж. Их Британид төвтэй Төвдийн эрх чөлөөний байгууллагын мэдээлсэнээр нутгийн эрх баригчидтайгаа маргалдсан тосгоны ахлагч Вандакыг даваа гаригт баривчилсан гэнэ. Тэднийг уламжлалт морин уралдаан зохион байгуулж байхад нутгийн удирдлагууд маргаан үүсгэжээ. 

Categories
гадаад мэдээ

Америкийн Фергюсон хотыг цагдаа нар хянаж байна

АНУ-ын Миссури мужийн Фергюсон хотод өнгөрсөн ням гаригаас хойш эсэргүүцлийн цуглаан гарч, жагсагчид болон цагдаа нарын хооронд мөргөлдөөн гарснаас эмх замбарагүй байдал үүссэн. Тус хотын хар арьстан залууг цагдаа нар буудан хороосныг оршин суугчид эсэргүүцэн жагссан юм. Тиймээс Миссури мужийн замын цагдаагийн газар тус хотод эмх замбараагүй байдал үүсгэхгүй тулд хяналтандаа авсан тухайгаа мэдэгдлээ. 

Ю.Дэлгэр 

Categories
гадаад мэдээ

Нигерийн эмч нар эболагийн эсрэг эм гаргаж авчээ

Нигерийн эмч нар эбола вирусын эсрэг эмийг өөрсдөө бүтээсэн тухайгаа мэдэгдлээ. Nanosilver хэмээн нэрлэсэн эмийн талаар дэлгэрэнгүй мэдээллийг удахгүй хийх гэнэ. Нигерт одоогийн байдлаар энэ аймшигт өвчний халдвар авсан 11 хүн бүргэгдсэн. Энэ нь Африкийн бусад орнуудтай харьцуулахад хамгийн бага аж. 

Ю.Дэлгэр

Categories
онцлох-нийтлэл туслах-ангилал

Газар өмчлөх иргэдийн нэр тодорлоо

Энэ сарын нэгнээс эхэлсэн газар өмчлөлийн цахим бүртгэл өнөөдөр 12.00 цагт хаагдаж, газар өмчлөх эрхтэй 14.954 иргэний нэр тодорлоо. Цахим бүртгэлд нийт 281 440 иргэн бүртгүүлснээс цахим түүврийн аргаар 14.954 иргэнийг газар өмчлөх эрхтэй болголоо. Газар өмчлөх эрх авсан иргэдийн нэрийг http://www.umch.ub.gov.mn/ сайтад байршуулж, сонгогдсон эсэх хариуг иргэдийн цахим хаяг, гар утсанд мессежээр илгээх юм байна.

Харин нэр нь зарлагдсан иргэд энэ сарын 18-наас эхлэн 10 хоногийн дотор харьяа дүүргийн газрын албанд материалаа бүрдүүлж өгснөөр газар өмчлөх эрх нь баталгаажих аж. НИТХ-аас Улаанбаатар хотын 52 байршилд газар өмчлүүлэх шийдвэр гаргаснаас эхний таван байршлын эзэд ийн тодорлоо.

Categories
мэдээ улс-төр

Л.Гансүхээс мэдүүлэг авч эхэлжээ

Ерөнхий сайдын ахлах зөвлөх Л.Гансүхээс мэдүүлэг авч эхэлсэн гэх мэдээлэл байна. Түүнийг “Нүүрс” хөтөлбөрөөс 3.5 тэрбум төгрөг завшсан байж болзошгүй гэх хэрэгт буруутган өнгөрсөн сарын 29-нд Авлигатай тэмцэх газраас саатуулсан. Гэвч өнөөдрийг хүртэл түүнтэй өмгөөлөгч нар нь уулзаж чадахгүй байгаа юм. Энэ талаар түүний  өмгөөлөгч Ц.Баасандорж өчигдөр хэвлэлийнхэнд мэдээлэл хийх үеэрээ онцолсон юм.

Categories
мэдээ нийгэм

Хувьсгалчдын гудамжинд 7 хоног зам хаана

Хувьсгалчдын гудамж буюу Зурагтын шинэ эцсийн буудлаас Баянхошууны уулзвар хүртэлх 4.6 км авто замын өргөтгөл, шинэчлэлтийн ажлын хүрээнд Хөтөлөөс Жанцангийн уулзвар хүрэх 1.2 км авто замыг 2014 оны 8 дугаар сарын 18-ны06:00 цагаас эхлэн бүтэн хааж, суурь асфальтбетон хучилтын ажил гүйцэтгэхээр боллоо. Замын хөдөлгөөнийг 8 дугаар сарын 26-ны өглөө нээх бөгөөд энэ хүртэлх хугацаанд тээврийн хэрэгслийн болон нийтийн тээврийн хөдөлгөөн зохицуулалтыг Нийслэлийн Замын цагдаагийн газар, Нийслэлийн Тээврийн газраас хийнэ гэж Нийслэлийн Авто замын газраас мэдээллээ.