Month: August 2014

Categories
мэдээ эдийн-засаг

Дэлхийн банк Монголд ажиллах шинэ суурин төлөөлөгчөө томиллоо

Дэлхийн банк Монгол Улсад ажиллах суурин төлөөлөгчөөр ноён Жэймс Андерсоныг томилжээ. Тэрээр ирэх долоо хоногоос ажилдаа орох юм байна.  Шинэ суурин төлөөлөгч  АНУ-ын  харьяат аж. Дэлхийн банкинд 1997 оноос хойш ажиллажээ. Өмнө нь Вьетнамын Ханой хотноо засаглалын асуудал эрхэлсэн ахлах мэргэжилтэн, 1998-2008 онуудад Дэлхийн банкны Европ, Төв Азийн бүсийн албанд ажиллаж байжээ.  

Жэймс Андерсон тун удахгүй Эдийн засгийн хөгжлийн сайд, Сангийн сайд нарт бараалхаж танилцах уулзалт хийх төлөвлөгөөтэй байгаа гэнэ. 

Categories
мэдээ нийгэм

Маргааш цахилгааны түр хязгаарлалт хийх хуваарь

“Улаанбаатар цахилгаан түгээх сүлжээ” ХК-иас урсгал засварын ажил хийж буй шалтгаанаар нийслэлийн хэрэглэгчдийн цахилгааныг хэсэгчлэн хязгаарлаж байгаа. Тус ажлын хүрээнд маргааш буюу 2014 оны наймдугаар сарын 21-ний пүрэв гарагт дараах газруудад  цахилгааны түр хязгаарлалт үргэлжилнэ.

Баянзүрх дүүрэг

09.30-17.00 цагт: 6-р хороо 13-р хороолол 18, 21, 22Б, 44, 51, Монтэдийн 1, 2, Дамдинсүрэнгийн 24-р байр болон ойр орчмоор

10:00-18:00 цагт: 1, 4, 5-р хороо 12-р хороолол 5А, 18, 41Б, 47, 47Б, 52-р байр, Мөнхаш, хараа, ЛЖК, ОСАК Дөл, Нортспринг инвестмэнтс, Цэ энд Цэ, МХААХҮХ, СЭЗДС, Барилга, Эрдэнэт үйлдвэрийн төлөөлөгчийн газар, ЗГБН захиргаа, Гинза, Хишигбат, Би Жи Ай, Христийн сүм орчмоор, Хилийн цэргийн 0253-р анги, ИЗИС орчмоор

10:30-17:00 цагт: 5-р хороо Алтан-Өлгийн эцэс, 2, 11-р хороо 805-р ЦА, хойд хэсгийн айл өрхүүд, Монбатт ХХК, Монелийн гудамж, задгай, Хар шороо орчмоор, 2-р хороо Дунд Дарь-Эхийн 4, 5, 7, 8, 9, 24, 25, 28, 29, 32, 33, 34-р гудамж,Сүхбаатар дүүрэг

10:30-17:00 цагт: 14-р хороо Нийслэлийн өмчийн харилцааны газар, АНУ сервис ХХК, Хандгайтын 1, 2, 330, 33, 36, 42, Хайлаастын 8, 13, 14, 20, 25, Рашаантын 5-15, Сургуулийн 44, 45-р гудамж орчмоор,

Чингэлтэй дүүрэг

10:30-17:00 цагт: 12-р хороо Булагийн 12-22-р гудамж

12:00-14:00 цагт: 3-р хороо Бага тойргийн 13Б, БТХЛ 13, УЕПГ-ын өргөтгөл болон ойр орчмоор

13:00-14:00 цагт: 12-р хороо Булагийн 10-16, Сурагчийн 20, Дэнжийн 16, Чингэлтэйн 15-р гудамж орчмоор

Баянгол дүүрэг

11:00-11:30 цагт: 9-р хороо 3-р хороолол Ди Эйч Ти, Саян уул, Койнвол, Асгат сервис, СБМ, Од таван, Загал Буурал ХХК-иуд, иргэн Янжмаа, Төмөрбаатар, Овооны ус ББН, Хаан бууз, Төртогтох дугуй засвар, Алгирмаа цайны газар,

Сонгинохайрхан дүүрэг

11:00-18:00 цагт: 1-р хороо Толгойтын хөтөл, Толгойтын 110, задгайн гудамж орчмоор

10:30-11:00 цагт: 22-р хороо Тахилт 8-р гудамж

11:30-12:00 цагт: 32-р хороо Шандын 1, 7-р гудамж

12:30-13:00 цагт: 22-р хороо Тахилтын 8, 32-р хороо Шандын 1, 2-р гудамж

14:30-15:00 цагт: 32-р хороо Шанд, Дэнжийн 1, 2-р гудамж

15:00-15:30 цагт: 32-р хороо Эмээлт нуурын 1, 4-р гудамж,

Налайх дүүрэг

09.30-17.00 цагт: 7-р зөрлөг орчмоор болон Баруун, Зүүн алт, Улаан цемент, Балгас

10:00-18:00 цагт: 3-р хороо Дэнж, Бадралын гудамж,

Багахангай дүүрэг

09.30-17.00 цагт: Багахангай дүүргийн хэрэглэгчид Алтан-Оршихуй, Синво ян, ТЭДЭӨ,

Төв аймаг

09:00-10:00 цагт: Эрдэнэ, Архуст, Баяндэлгэр сум

Categories
мэдээ улс-төр

Ерөнхий сайд хийт, хөнгөн бетоны үйлдвэрийн нээлтэд оролцлоо

Шинэчлэлийн Засгийн газрын “Монголдоо бүтээцгээе” зорилтыг аж ахуйн
нэгж, иргэд дэмжиж байгаагийн нэг илэрхийлэл болсон “Дорнын цас” ХХК-ийн
хийт, хөнгөн бетоны үйлдвэрийн нээлтэд Ерөнхий сайд Н.Алтанхуяг оролцож
үг хэллээ.

Монголчууд олон зүйлийг гаднаас авч байна. Дотооддоо байгаа түүхий эдээ
ашиглаад Монголдоо бүтээдэг болъё гэж Шинэчлэлийн Засгийн газар зорьж
байна. Манай улс жилд 2-3 мянган вагон ачаа бүхий бетоныг гаднаас авдаг.
“Дорнын цас” компани жилд 200 мянган метр куб хийт, хөнгөн бетон
үйлдвэрлэх хүчин чадалтай. Өнөөдрөөс эхлээд монголчууд ийм хэмжээний
бетоныг гаднаас зөөвөрлөх шаардлагагүй болж байна. Манай улсын нийт зах
зээлийн 30 хувийг хангах боломжтой ийм сайхан үйлдвэрийг богино
хугацаанд барьж ашиглалтад оруулсан “Дорнын цас” ХХК-ийн хамт олонд баяр
хүргэж амжилт хүсье гэж Ерөнхий сайд хэллээ.

Манай улс жилд 600 мянган метр куб хөнгөн бетоны хэрэгцээтэй. Энэ
хэрэгцээг “Дорнын цас” болон “МАК” компани, хөнгөн бетоны үйлдвэрүүд
хангаж, энэ хэмжээний хөрөнгө Монголдоо үлдэх боломжтой болж байгааг
Ерөнхий сайд онцлоод “Монголчууд бид олон зүйлийг өөрсдөө үйлдвэрлэдэг,
гаднаас авдаггүй болох учиртай. Үйлдвэрлэгч байж, өөрсдөө бүтээж чадаж
байгаагийн тод жишээг бид эндээс харж болохоор байна” гэлээ.

“2013 онд барилгын ажил нь эхэлсэн манай үйлдвэр байгаль орчинд хор
хөнөөлгүй, ямар нэгэн хаягдал гаргахгүй, утаагүй, усаа дахин ашигладаг,
шинэ технологи бүхий үйлдвэр юм. Улсын хэмжээний нийт бетоны хэрэгцээний
30 хувийг хангах боломжтой, 60 хүн шинээр ажилтай болсон гэж тус
үйлдвэрийн гүйцэтгэх захирал А.Амартүвшин ярилаа гэж Засгийн газрын Хэвлэл мэдээлэл, олон нийттэй харилцах албанаас мэдээллээ.

Categories
мэдээ улс-төр

МАН-ын бүлгийн дарга С.Бямбацогт Японы парламентын төлөөлөгчдийг хүлээн авч уулзав

УИХ дахь МАН-ын бүлгийн дарга С.Бямбацогт, УИХ дахь МАН-ын бүлгийн дэд дарга Д.Оюунхорол нар Япон Улсын парламентын доод танхимын гишүүн Сонода Хироюки, Хаяаши Мото, Никай Хидэтоши болон албаны бусад хүмүүсийг өнөөдөр /2014.08.20/ Төрийн ордонд хүлээн авч уулзлаа. 

УИХ дахь МАН-ын бүлгийн дарга С.Бямбацогт зочид төлөөлөгчдийг Монгол Улсад тавтай морилохыг хүсээд хоёр орны харилцаа, хамтын ажиллагааны талаар санал солилцож буйдаа талархаж байгаагаа илэрхийллээ. Тэрээр, манай улс мөнхийн хоёр том хөрштэй. Гурав дахь том хөрш бол Япон Улс. Бид олон жилийн сайн түншийн хамтын ажиллагаатай явж ирсэн. Хүнд хэцүү үед үргэлж тусалж дэмжиж, хандив тусламж өгч донор болж ирсэнд талархалтай байдаг. Цаашид ч Япон Улстай харилцаа хамтын ажиллагаагаа өргөжүүлэн хөгжүүлэхэд бид анхааран ажиллана гэлээ. Мөн тэрээр “Богино хугацаанд эдийн засгаа сэргээн хөгжүүлэх нь монголчууд бидний хувьд нэн тэргүүний асуудал болоод байна. Үүнд Японы туршлага, дэмжлэг чухал байна. Ялангуяа Японы хувийн хэвшлийнхэн Монголд хөрөнгө оруулах боломжийг бий болгоход эрхэм парламентын гишүүдийн дэмжлэг чухал” байгааг онцолсон юм. Ингэхдээ тус улсын санхүүжилтээр Дархан-Уул аймагт баригдах газрын тос боловсруулах үйлдвэрийн төсөл удаашралтай явагдаж байгааг хэлээд энэ тал дээр анхаарал хандуулахыг хүслээ. 

       МАН-ын бүлгийн даргын байр суурьтай Японы парламентын төлөөлөгчид санал нэгтэй байгаагаа илэрхийлээд эдийн засаг хүндрэлтэй үед нэмүү өртөг шингэсэн бүтээгдэхүүн үйлдвэрлэх, экспортоо нэмэгдүүлэх чиглэлд анхаарах ёстой гэлээ. Японы парламентын доод танхимын гишүүн Сонода Хироюки хэлэхдээ, манай хоёр орны найрсаг харилцаа, хамтын ажиллагаа цаашид ч улам бэхжинэ гэдэгт итгэлтэй байна. Мөн Монгол Улсын өнөөгийн хөгжилд улс төрийн ууган хүчин МАН-ын гүйцэтгэх үүрэг, хариуцлага чухал гэж үзэж байгаагаа илэрхийлэв.

           Харин УИХ дахь МАН-ын бүлгийн дэд дарга Д.Оюунхорол, Монгол Улс эдийн засгийн хүндрэлтэй байгаа үед та бүхэн айлчилж байна. Тиймээс танай орны эдийн засгаа тогтвортой авч явдаг арвин туршлага бидэнд чухал. Бидний хөгжүүлж чадахгүй байгаа зарим асуудал дээр та бүхний дэмжлэг, зөвлөмж хэрэгтэй байна гэв. Мөн парламентын гишүүдээ иргэд нь шууд сонгодог Японы сонгуулийн тогтолцооны туршлагаас судлах хүсэлтэй байгаагаа энэ үеэр уламжлав. 

            Манай оронд айлчилж байгаа Японы парламентын гишүүд маргааш Дархан-Уул аймагт очиж үйлдвэрлэлийн бүсийг хэрхэн сэргээн хөгжүүлэх, мэргэжилтнүүдийг бэлтгэх, давтан сургах зэрэг асуудлаар газар дээр нь очиж судлах гэж байгаагаа МАН-ын бүлгийн удирдлагуудад хэллээ.

Уулзалтад УИХ-ын гишүүн Д.Сумъяабазар, УИХ дахь МАН-ын бүлгийн ажлын албаны дарга Ш.Раднаасэд, Ажлын албаны зөвлөх М.Оюунчимэг нар байлцлаа.

Categories
мэдээ нийгэм

Мэргэжлийн хяналтаас Хөрөнгийн биржид торгууль тавив

Монголын Хөрөнгийн бирж /МХБ/ ТӨХК-ны 2011-2013 оны санхүү, аж ахуйн үйл ажиллагаанд Нийслэлийн Мэргэжлийн хяналтын газраас шалгалт хийсэн байна. Шалгалтын дүнг өнөөдөр танилцууллаа.

Дээрх шалгалтаар МХБ-ийн тухай үеийн удирдлагууд эрх хэмжээгээ хэтрүүлсэн гэж үзэн 112.6 сая төгрөгийн акт тавьсан байна. Мөн МХБ-ийн орлогч гурван захирал албаны машин хэрэглэсэн юм байна. Албанд унах авто машины шатахууных нь зарцуулалт 16.8 литрээс хэтрэх ёсгүй гэдгийг бас зөрчжээ.

Categories
мэдээ нийгэм

Шилдэг адуучид Хүй долоо худагт өрсөлдөнө

 Монгол эрийн ур чадвар, авхаалж самбааг сорьдог “Адуучин” тэмцээн өнгөрсөн жилээс Монгол Улсын Ерөнхий сайдын ивээл дор уламжлал болгон зохион байгуулагдах болсон. 26 жил тасралтгүй зохион байгуулагдаж ирсэн уг тэмцээн энэ жил “Монгол Улсын аварга адуучин-2014” нэртэйгээр наймдугаар сарын 23-ны өдөр 09:00 цагаас Хүй долоо худагт эхлэх нь ээ.

Тэмцээнд 21 аймгаас шалгарсан шилдгийн шилдэг 21 адуучин эр ид хав, идрийн жавхааг гайхуулан оролцох юм байна.  Эдгээр залуус уран уургач, уран бугуйлч, эмнэг хангал сургагч гэсэн дөрвөн төрлөөр өрсөлдөх аж. Мөн тэмцээний үеэр адуу, адуучны хэрэглэлийн үзэсгэлэн худалдаа, үндэсний хувцас загварын арга хэмжээ зохион байгуулах аж.

Categories
мэдээ спорт

Манай 16 бөх Ташкентын дэвжээнд хүч үзнэ

Чөлөөт бөхийн дэлхийн аварга шалгаруулах насанд хүрэгчдийн эрэгтэй 44 дэх, эмэгтэй 25 дахь удаагийн тэмцээн ирэх есдүгээр сарын 8-14-ний өдрүүдэд Узбек улсын нийслэл Ташкент хотын “Gymnastics Palace” спортын цогцолборт болно.

Энэхүү тэмцээнд эх орноо төлөөлөн хүч үзэх манай улсын багийн бүрэлдэхүүн тодорсон байна. Эрэгтэй багийг МЧБХ-ны тэргүүн дэд ерөнхийлөгч Д.Сумьяабазар ахлан оролцох юм байна. Тэмцээний 57 кг-д ОУХМ Б.Номин, 61 кг-д ОУХМ Э.Ням-Очир, 65 кг-д МУГТ Г.Мандахнаран, 70 кг-д ОУХМ Б.Анхбаяр нар хүч сорино. Мөн  74 кг-ын жингийн ангилалд ОУХМ П.Өнөрбат, 86 кг-ын жинд ОУХМ О.Үйтүмэн, 96 кг-д ОУХМ Д.Хүдэрбулга, олон улсын хэмжээний мастер, 125 кг-ын жинд ОУХМ Ж.Чулуунбат нар барилдана. Эрэгтэй багийн дасгалжуулагчаар МУГТ Ц.Цогтбаяр Б.Баяраа, МУГТ О.Пүрэвбаатар, Л.Энхбаяр нар оролцох аж.

Харин эмэгтэй багийг МЧБХ-ны дэд ерөнхийлөгч Х.Бат-Эрдэнэ ахална. Эмэгтэйчүүдийн 48 кг-ын жингийн ангилалд ОУХМ Э.Нарангэрэл, 51 кг-д Э.Сумьяа, 55 кг-д ОУХМ А.Батцэцэг, 58 кг-д МУГТ Т.Мөнхтуяа, 60 кг-д ОУХМ С.Цэрэнчимэд нар хурд хүч, уран мэхээ уралдуулахаар болжээ. Түүнчлэн 63 кг-д МУГТ С.Батцэцэг, 69 кг-ын жинд ОУХМ Б.Одончимэг, 75 кг-д  МУГТ О.Бурмаа нар хүч үзнэ. Эмэгтэй үндэсний  шигшээ багийн дасгалжуулагч Б.Батбаяр, З.Дүвчин, Т.Сүхбаатар нар дасгалжуулна.

Тэмцээнд шүүгчээр олимпийн зэрэглэлийн шүүгч Б.Төмөрбаатар, Олон улсын нэгдүгээр зэрэглэлийн шүүгч Л.Болормаа, Х.Ганболд нар оролцох юм байна. Мөн багийн бүрэлдэхүүнд Спортын бэлтгэлийн төвийн Спортын анагаах ухааны албаны дарга, Гавьяат эмч Ч.Насанбат, Спортын бэлтгэлийн төвийн Спортын анагаах ухааны албаны илээч эмч М.Саранцацрал нар багтжээ.

Categories
мэдээ нийгэм

Хан-Уулын арын замыг маргааш нээнэ

 “Гудамж” төслийн хүрээнд өргөтгөн шинэчилж буй зам, уулзварын нэг болох Хан-Уул дүүргийн арын замын суурь хучилт дууслаа. Тодруулбал, Чингисийн өргөн чөлөө, NTV телевизийн арын уулзвараас “Атар Өргөө” ХК хүртэлх замыг өргөтгөж, хатуу хучилт хийж энэ сарын 21-ний өдрийн 06.00 цагт нээнэ. Иймд тухайн чиглэлд тээврийн хэрэгслээр зорчигчид нээлттэй замуудыг сонгон зорчино уу.

Categories
мэдээ нийгэм

Казахстан газрын зурагтаа Баян-Өлгий аймгийг багтаажээ

Казакстан улс нутаг дэвсгэрийн замын хөдөлгөөний талаарх газрын зурагтаа манай улсын Баян-Өлгий-н нутаг дэвсгэрийг оруулсан байна. Энэ бүхнээ гэрчлэх газрын зургийг цахим ертөнцөд тарааж эхэлсэн нь шуугиан дэгдээгээд буй юм. Энэхүү зургийг саяхан avtotut.ru сайтад нийтэлж, Казахстаны замын хөдөлгөөний дүрэм Оросынхтой маш төстэй байдаг гээд замын хөдөлгөөнд хэрхэн оролцох талаар бичжээ.

Уг нь Казахстан улс дэлхийд 9-р байрт, далайд гарцгүй орнуудаас тэргүүн байрыг эзлэхээр том буюу 2.724.900 км2 талбай бүхий нутаг дэвсгэртэй. Орос, Хятад, Хиргис, Узбек, Туркмен гэсэн таван оронтой 12.012 километр зурвасаар хиллээд, 1.894 км газар Каспийн тэнгисийг эмжиж оршдог. Чухам яагаад ийнхүү манай улсын Баян-Өлгийг өөрийн газар нутагт оруулж, хэвлэл мэдээллээр цацах болов гэдэг эрхгүй сонирхол татаж буй юм. 

www.medee.mn

Categories
мэдээ нийгэм

Хөвсгөлийн Цагааннуурт ойн түймэр гарчээ

Хөвсгөл аймгийн Цагааннуур сумын Их Жамс, Хар торын голын бэлчирт өчигдөр ойн түймэр гарчээ. Түймрийг унтраахаар тус аймгийн Онцгой байдлын хэлтсийн албан хаагчид явсан байна.

Түймрийн голомт сумаасаа 70 гаруй км-ийн зайд гарсан ба хөвч тайгад гарсан нь хүрч очиход хүнд байгаа аж.

Намрын хуурайшилт ихэсч, мөн иргэд самар, жимс түүхээр ойд явах болсон энэ үед ил задгай гал түлэхгүй байх, асаасан гал, шүдэнз, татсан тамхиа бүрэн унтрааж байхыг Онцгой байдлын ерөнхий газраас анхааруулжээ.