Энэ сарын 20-ны байдлаар хүнсний гол нэрийн барааны үнийг өмнөх сартай харьцуулахад 2.9 хувь, өмнөх 7 хоногийнхтой харьцуулахад 0.4 хувиар буурсан байна.
Махны дундаж үнэ: 2014 оны 8-р сарын 20-ны байдлаар хонины ястай махны үнэ өмнөх сарынхаас 5.8 хувь, үхрийн ястай махны үнэ 4.8 хувь, үхрийн цул махны үнэ 10.4 хувь, адууны махны үнэ 11.5 хувь, ямааны махны үнэ 9.7 хувиар буурсан байна.
Өмнөх 7 хоногийнхтой харьцуулбал үхрийн ястай махны үнэ 1.1 хувиар өсч, үхрийн цул махны үнэ 1.1 хувь, ямааны махны үнэ 3.6 хувь, хонины ястай махны үнэ 0.3 хувь, адууны махны үнэ 6.4 хувиар буурсан байна.
2014 оны 8-р сарын 20-ны байдлаар 1 кг хонины /ястай/ мах дунджаар 6615 төгрөг, үхрийн /ястай/ мах 7570 төгрөг, үхрийн цул мах 8785 төгрөг, адууны мах 5560 төгрөг, ямааны мах 5600 төгрөгийн үнэтэй байв.
Гурилын үнэ: 2014 оны 8-р сарын 20-ны байдлаар өмнөх сарынхаас дээдийн дээд зэргийн савласан гурилын үнэ 0.3 хувь, дээд зэргийн савласан гурилын үнэ 0.4 хувиар буурч, 1-р зэргийн гурилын үнэ 2.0 хувь, 2-р зэргийн гурилын үнэ 8.7 хувиар өссөн байна. Харин өмнөх 7 хоногийнхоос дээдийн дээд зэргийн савласан гурилын үнэ 0.6 хувь, дээд зэргийн савласан гурилын үнэ 0.4 хувь, 2-р зэргийн гурилын үнэ 1.3 хувиар өсч, бусад гурилны үнэ өөрчлөлтгүй байна.
Төмс, хүнсний ногооны дундаж үнэ: 2014 оны 8-р сарын 20-ны байдлаар төмс, хүнсний ногооны үнийг өмнөх сарын дундаж үнэтэй харьцуулахад төмсний үнэ өөрчлөлтгүй, манжингийн үнэ 23.8 хувь, луувангийн үнэ 25.3 хувь, сонгины үнэ 0.8 хувь, байцааны үнэ 17.5 хувиар буурсан байна.
БНХАУ-ын дарга Си Зиньпины Монгол Улсад хийж буй төрийн айлчлалтай холбоотойгоор Гадаад харилцааны яаманд өнөөдөр Монгол, Хятадын аж ахуйн нэгжүүдийн хооронд баримт бичгүүдэд гарын үсэг зурах ёслол боллоо. Үүнд:
“Нийслэлийн тээврийн сүлжээ-үйлчилгээний шинэчилсэн төлөвлөлтийн туршилтын ажил”-ын хүрээнд нийслэлийн Тээврийн газар, Монголын нийт зорчигч тээврийн хөгжлийн консорциум, Том оврын автобусаар үйлчилгээ эрхлэгч эздийн холбоо, ААНБ-уудын удирдлагуудын дэлгэрэнгүй мэдээлийг маргааш 13.00 цагаас нийслэлийн Тээврийн газарт хийнэ.
Монгол Улсын Ерөнхийлөгч Ц.Элбэгдорж, БНХАУ-ын удирдагч Си Жиньпин нарын албан ёсны хэлэлцээ үргэлжилж байна. Хэлэлцээрийн дүнд хоёр орны харилцаа хамтын ажиллагаа Стратегийн түншлэлээс иж бүрэн стратегийн түншлэл болон өргөжих юм. Энэ нь бүхий л асуудал дээр хоёр улс хамтран ажиллах бололцоо нээгдэнэ гэсэн үг. Монгол Улсын төрийн тэргүүн энэ удаагийн айлчлалаар Хятадын удирдагчид авлигатай тэмцэхэд хоёр улс хамтран ажиллах, Хятад улсад ял эдэлж байгаа монгол иргэдийг цаазаар авахгүй байх хүсэлтийг тавина гэж байгаа билээ. Мөн Монголын түүхийг мушгин гуйвуулсан мэдээлэлд хатуу хориг тавих зэрэг хэд, хэдэн чухал асуудлыг хэлэлцээрийн үеэр тавих юм байна. 
Өчигдөр буюу наймдугаар 21-ний өдрийн 07:06 цагт Хархорин-110/35 кВ дэд станцаас Арвайхээр -110 кВ-ын агаарын шугам тасарч, үзлэг хийхэд 283 дугаар тулгуур унасан байжээ. Энэ тасралтын улмаас Өвөрхангай, Баянхонгор аймаг хүчдэлгүй байгаа юм байна. Засварын бригад гэмтлийг засварлахаар шуурхай ажиллаж байгаа гэж Эрчим хүчний яамнаас мэдээллээ.
БНХАУ-ын дарга Си Зиньпиний Монгол Улсад хийх айлчлалын уулзалтууд албан ёсоор эхэлсэн. Айлчлалтай холбогдуулан Монгол Улсын Эдийн засгийн хөгжлийн сайд Н.Батбаяр өчигдөр БНХАУ-ын Засгийн газрын хэрэгжүүлэгч байгууллага “ЭКСИМ” банкны ерөнхийлөгч, ТУЗ-ийн дарга ноён Ли Руогу болон дагалдан ирсэн бусад төлөөлөгчийг хүлээн авч уулзжээ.
Баруун Африкийн Сьерра-Леон, Либери, Нигери, Гвиней улсад Эбола цусархаг халууралт халдварт өвчин дэгдээд байгаа. Монголоос өвчний тархалт өндөр байгаа орны нэг болох Бүгд Найрамдах Ардчилсан Конго Улс руу нийт 12 иргэн зорчиж эх орондоо эргэн ирсэн аж. Эдгээр иргэнийг улсын хилээр шалган нэвтрүүлэхэд уг өвчнөөр халдварласан эсэх талаар ямар нэгэн сэжигтэй зүйл илрээгүй гэнэ. Холбогдох байгууллагууд иргэдийн биеийн байдлыг үргэлжлүүлэн хянаж байгаа юм байна. Иргэний харьяалал, шилжилт хөдөлгөөний ерөнхий газраас халдварт өвчний тархац буурах хүртэл уг өвчин бүртгэгдсэн бүс нутгийн иргэдэд түр хугацаагаар виз олгохгүй байгаа аж. 
-Тэд бидний тухай-
Боловсрол, шинжлэх ухааны яамны захиалгын дагуу улсын төсвийн санхүүжилтээр Анагаахын шинжлэх ухааны үндэсний их сургуулийн Эм зүйн сургуулийн 2800 метр.кв талбайтай дөрвөн давхар хичээлийн барилгыг барьж өнгөрөгч гуравдугаар сард ашиглалтад оруулсан. БШУ-ны сайд өөрийн багцад батлагдсан төсвөөсөө 2013-2014 оны хичээлийн жилд дээд боловсролын салбарт багагүй хөрөнгө оруулсаны нэг жишээ энэ юм. Үүнээс гадна АШУҮИС-д олон улсын жишигт нийцсэн номын сангийн долоон давхар барилга баригдаж байгаа аж. Мөн ирэх аравдугаар сард Монголд анх удаа оюутны чөлөөт цагаа зөв боловсон өнгөрүүлэх, бие дааж сурах орчин нөхцлийг сайжруулах зорилгоор шилэн дээвэртэй “Эко” цогцолборын барилгыг ашиглалтад хүлээн авах юм байна.