2014 оны 8 дугаар сарын 23-24-ний өдрүүдэд Улаанбаатар хотноо Азийн Хүүхдийн эрхийн гуравдугаар Чуулга уулзалтыг Монгол Улсын Хүний эрхийн Үндэсний Комисс, Засгийн газрын хэрэгжүүлэгч агентлаг Хүүхдийн төлөө Үндэсний газар, НҮБ-ын Хүүхдийн сангийн Монгол дахь Суурин төлөөлөгчийн газар, Япон Улсын Хүүхдийн эрхийн Конвенцийн Институц хамтран зохион байгуулна.
Хүүхдийн Эрхийн тухай конвенцийн хэрэгжилтийг хангах, Азийн улс орнууд үндэсний болон орон нутгийн түвшинд хүүхдийн эрхийг хамгаалах талаар гаргаж буй хүчин чармайлт, ололт амжилт, туршлагаа харилцан солилцох, тулгамдаж буй бэрхшээл, цаашдын чиг хандлага, хамтын ажиллагаа эрэлхийлэхзорилготой тус чуулга уулзалтад Зүүн Азийн орнуудын 40 гаруй зочид төлөөлөгч оролцоно.
НҮБ-ын Хүүхдийн эрхийн тухай Конвенци батлагдсаны 25 жилийн ой тохиож буй үед зохион байгуулж байгаагаараа онцлог тус чуулга уулзалтаар “Хүүхдийн хөдөлмөр, боловсрол”, “Хүүхдэд үзүүлж буй дэмжлэг, хүүхдэд ээлтэй хот”, “Хүүхдийн эрхийг хамгаалах, хөхиүлэн дэмжих механизм байгуулах” зэрэг гурван үндсэн сэдэвт хуралдаан явуулах юм.
Азийн Хүүхдийн эрхийн Форумаас зохион байгуулсан 2009 оны Сөүлийн хурал, 2011 оны Токиогийн хурлаас гарсан зөвлөмжийг хэрэгжүүлэхийн зэрэгцээ энэ удаагийн чуулга уулзалтаар оролцогч улс орнуудын хүүхдийн эрхийн хамгааллыг сайжруулахад Олон Улсын байгууллага, Засгийн газрын холбогдох байгууллага, иргэний нийгмийн байгууллага, судлаач, мэргэжилтэн хоорондын харилцаа холбоо, сүлжээг бий болгох, Хүүхдийн эрхийн тухай Конвенцийн хэрэгжилтийг улс орнууд сайжруулах зэрэг асуудлаар бодлогын баримт бичиг гаргахаар төлөвлөж байна.
Монгол Улсын Ерөнхийлөгч Ц.Элбэгдоржийн урилгаар төрийн айлчлал хийж байгаа БНХАУ-ын дарга Си Зиньпинд өнөөдөр үдээс өмнө УИХ-ын дарга З.Энхболд, Ерөнхий сайд Н.Алтанхуяг нар бараалхав.
Боловсрол, Шинжлэх Ухааны Яам, Дэлхийн банк хамтран 2012 оны 3 дугаар сараас “Боловсролыг дэмжих олон улсын түншлэлийн сургуулийн өмнөх боловсрол” төсөл хэрэгжүүлж байгаа. Үр дүнд нь хүн амын нягтаршил ихтэй Баянзүрх дүүргийн 11-р хороонд100 хүүхдийн цэцэрлэг баригдаж, ашиглалтад ороход бэлэн болжээ. Энэ сарын 25-аас хүүхдүүдээ бүртгэх шинэ цэцэрлэгийн барилга нь Канад технологийн модоор бүтээцээр баригдсан байна. Дээрх төслийн зорилго нь хүн амын өсөлттэй сургуулийн өмнөх боловсролыг уялдуулж, цэцэрлэгийн тоог нэмэх юм. Энэ хичээлийн жилд Боловсрол, шинжлэх ухааны яамны захиалгаар улсын төсөв, нийслэл, орон нутгийн төсөв, төслийн санхүүжилтээр 102 цэцэрлэг ашиглатад оруулахаар барьж байгаа ажээ.
Боловсрол, шинжлэх ухааны сайдын А/293 дугаар тушаалаар Багшийн ажлыг үнэлэх, дүгнэх журам шинэчлэгдсэн. Энэ журмаар сургууль, цэцэрлэгийн багш хүүхэд нэг бүрийг хөгжүүлэх, төлөвшүүлэх, авьяас чадварыг нь нээн хөгжүүлэх, сургалтын чанарыг сайжруулах, хүүхдэд ээлтэй эрүүл орчин нөхцөл бүрдүүлэх, бүтээлч ажлын ахиц амжилтаа таван төрлийн 12 шалгуураар үнэлүүлж, урамшил авах боломжтой боллоо. Өөрөөр хэлбэл багш төлөвлөгөөнд тусгасан хичээлээ орсон эсэхээ цаасан дээр тайлагнаж үнэлүүлдэг байсан нь өөрчлөгджээ. Эдгээр шалгуураа үндэслэн багшид 0-100 оноо өгч, хангалтгүй, дунджаас доогуур, дундаж, сайн, хангалттай сайн, маш сайн гэсэн үгэн үнэлгээ өгнө. Хүүхэд бүрийнхээ авьяасыг нээн чадавхижуулж, сонирхолд нь тулгуурлан сургаж, хөгжүүлж чадсан багш 80-аас дээш оноо буюу хангалттай сайн, маш сайн гэсэн үнэлгээ авна. Улмаар сайн багш сарынхаа цалин дээр “Ур чадварын нэмэгдэл” хэмээх давхар цалин авах болж байгаа юм.Багш нар шинэ журмын талаар ярихдаа “Багшийн ажлыг цаасаар үнэлхээ больсон нь маш зөв. Багшийн ажилд тэр их тайлан конспект бичнэ гэдэг их ажил байсан. Одоо бол тэр цагаа хүүхдийнхээ хөгжилд зарцуулах болж байна. Хүүхдийнх нь ахицаар багшийг үнэлж, урамшил цалин олгох нь шударга зарчим. Хэн сайн тайлагнадаг нь биш хүүхдээ хэн сайн хөгжүүлсэн нь л өндөр цалин авна.” гэж байсан юм.
Э.Бат-Үүл даргын 500 төгрөгийн тасалбарын ид шидийг үзэх гэсэн хүмүүс өглөөжин төөрч будлив. Олон ч хүн ажлаасаа хоцорлоо. Баянзүрх дүүргийн Жуковын музейн автобусны буудал дээр өглөө 8 цаг 30 минутаас 9 цаг 20 минут хүртэл баахан хүмүүс автобус хүлээлээ. Эхэндээ Офицер- Таван шар, Халдварт чиглэлийн автобус сүрхий явж байсан ч сүүлдээ ямар ч автобус ирэхээ байлаа. “Э.Бат-Үүл дарга хоёр минутын зайтай явна гэсэн яасан бэ” гэсэн хүмүүс олширов. Автобусны буудал дээр 500 төгрөгийн тасалбар борлуулж байсан шар хантаазтай ажилтныг хүмүүс асуултаар булна. “Сансар, 100 айл явахын тулд ямар автобусанд суух ёстой”-г асуусан хүмүүс их байлаа. Гэсэн ч өнөө эмэгтэйд ч мэдэх юм байсангүй. “Сансарын автобус удахгүй ирэх байх аа” гэсэн ч сүүлдээ тэр нь ирэхгүй нь тодорхой болов. Арай хийж ганц нэг автобус ирэхдээ дүүрэн хүнтэй тул бараг зогсохгүй шахам өнгөрнө. Зарим нэг нь ерээд онд зах зээлд шилжиж байсан үед автобусны хойноос элдэж хөөдөг шиг юм болж байж амжиж суулаа. Сүүлдээ буудал дээр бөөн хүн цуглаж, зарим нь такси барихаар болж, зарим нь дараагийн буудал руу алхлаа. Сансарын буудал руу алхав. Хоосон шахам хэдэн автобус сүнгэнэж одов. Сансарын түнээлийн буудал дээр очоод арайхийж автобусны бараа хардаг байна шүү. Сансар 32-ын буудал гэсэн автобусанд суулаа. Хаанаас яаж эргээд байгааг нь лавлахад нэг зорчигч эмээ их л баясгалантайгаар “Офицеороос суугаад 13-ын буудал дээр буугаад нөгөө талынх нь буудлаас суусан чинь Сансар руу эргэж байна. Хоёр өдөр явбал учрыг нь олчих юм шиг байна. Харин зүгээр юм байна” гэж хуучиллаа. “Хаашаа яаж явахаа зарлаж болдоггүй юм уу, хүмүүс ямар автобусанд суухаа ч мэдэхгүй байна” гэхэд кондуктор нь “Зарлаж хашгирч болохгүй гэсэн” гэж дуугарав. Иймэрхүү маягтайгаар ажилдаа хоцорч ирлээ. 
Үндэстнүүдийн бүтээсэн соёл иргэншил нь өөр өөрийн унаган төрхөөрөө
Боловсрол, шинжлэх ухааны яамнаас хүүхэд нэг бүрийг хөгжүүлэх “Бага боловсролын шинэчилсэн хөтөлбөр”-ийг өнгөрсөн хичээлийн жилд 40 сургуульд туршсан. Туршиж боловсруулсан “Бага боловсролын сургалтын цөм хөтөлбөр”-өө энэ жил орон даяар хэрэгжүүлэхээр бэлтгэл ажил хангагдаад байгаа юм байна. Шинэ хөтөлбөрийн дагуу энэ жилээс эхлэн бага ангийн хичээлийн явц, багшийн заах арга, хүүхдийг үнэлэх үнэлгээ, багшийн ажлын үнэлгээ, сурах бичгүүд гээд бүгд шинэчлэгдэж байгаа юм. Бага боловсролын чанарыг сайжруулахын тулд нэн тэргүүнд үндэсний хэмжээний бүх сургуулийн захирал, сургалтын менежер, багш нарт шинээр баталсан “Бага боловсролын сургалтын цөм хөтөлбөр”-ийг танилцуулах шаардлагатай. Тиймээс БШУЯ-аас өнгөрсөн өдрүүдэд бүх ЕБС-уудын захирал, сургалтын менежерүүдэд сургалт зохион байгуулсан байна. Харин энэ өдрүүдэд аймаг, сум, дүүрэг бүрийг бүсчлэн хувааж, шинэ хөтөлбөрөөр хичээлээ хэрхэн явуулах талаар бага ангийн багш нарт сургалт явуулж байна. Сургалтанд нийт 17099 багш оролцож байгаа аж. Энэ мэтчилэн багш нарт заах арга зүйн зөвлөгөө өгөх, тэдний ур чадварыг шинэ түвшинд гаргах зорилгоор БШУЯ-ны харьяа Багшийн мэргэжил дээшлүүлэх институт өнгөрсөн жилээс эхлэн 30 мянга гаруй багшид сургалт зохион байгуулжээ.
Эхлээд өмнөд хөршийн удирдагч, араас нь умард хөршийн тэргүүн Монголд ирэх нь байна. Олны яриагаар бол В.Путин ерөнхийлөгч манайд бензинээ зүгээр өгөхөөр, Ши Жинпин дарга манай нүүрсийг зүггүй өндөр үнээр авахаар ирэх бололтой. Ингээд өөрийн юмаа үнэтэй зарж, өрөөлийн юмыг үнэгүй авсан цагт бид ч жаргалын замдаа шуудрах аж.