Тээврийн цагдаагийн албанаас дараах мэдээллийг хүргэж байна.
Монгол улсын хэмжээнд 2011-2020 оны байдлаар 485 хүүхэд зам тээврийн ослоор амиа алджээ. Нэг ангид дунджаар 50 хүүхэд суралцдаг гэж үзвэл бид автомашины ослын улмаас арван жилийн хугацаанд нэг сургуулийн 10 ангийн хүүхдийг алдсантай тэнцэх аж.
Түүнчлэн өнгөрөгч 10 жилийн дотор хүүхэд өртсөн нийт 9779 осол бүртгэгдэж, 10,332 хүүхэд зам тээврийн осолд өртөж, 9874 хүүхэд буюу 95,7 хувь нь гэмтжээ.
Нийт ослын:
- 8,358 буюу 85 хувь,
- гэмтсэн хүүхдүүдийн 8,699 буюу 88 хувь нь нийслэлд бүртгэгдсэн бол амь хохирсон хүүхдүүдийн 386 буюу 80 хувь нь орон нутагт бүртгэгдсэн байна.
Өнгөрсөн онд Улсын хэмжээнд 625 хүүхэд зам тээврийн осолд өртөж, 64 хүүхэд амь насаа алдсаны 23 хүүхэд нь авто зам бус өөрсдийн амьдардаг хороолол, хашаандаа тоглож байх үед нь эцэг эх, асран хамгаалагч нар хөдөлгөөн эхлэхээсээ өмнө орчноо шалгаагүйн улмаас, 30 хүүхэд нь зорчигч хэлбэрээр хөдөлгөөнд оролцох үедээ буюу тээврийн хэрэгсэлд буруу тээвэрлэсний улмаас осолд өртөж амь хохирсон байна.
Энэ оны эхний 4 сарын байдлаар хүүхэд өртсөн осол, хэрэг 69 бүртгэгдэж, хэргийн улмаас 11 хүүхэд нас барж, 56 хүүхэд хүнд, хүндэвтэр гэмтэл авсан байна.
Энэ нь шууд эцэг, эх насанд хүрэгчдийн хариуцлага, анхаарал болгоомжгүй байдлаас үүдэлтэй ослууд юм.