Одоогоос жилийн өмнө Хятад жолооч Монгол эмэгтэйг дайрч амь насыг нь хохироосон хэрэг гарсан. Тодруулбал, замын гарцыг бетоноор тагласнаас үүдэн гарцгүй газраар зам хөндлөн гарч явсан эмэгтэйг дайрч, хэргийн газраас оргон зайлахыг завдсан байдаг юм.
Энэ үед хэргийн газарт анх очсон замын цагдаагийн алба хаагч осол гаргасан хятад иргэнээс 20 сая төгрөг нэхэмжилж хэргийг түүний талд шийдвэрлэж өгөхөөр тохиролцожээ. Харин осолд өртсөн 48 настай эмэгтэй эмнэлэгийн тусламж авч чадалгүй харамсалтайгаар амиа алдсан юм.
Тэгвэл хахууль авсан алба хаагч ажлаасаа чөлөөлөгдөж, шүүхийн байгууллагаар хэргийг шийдвэрлэхээр болсон бөгөөд өнөөдөр анхан шатны шүүхэд хэлэлцэнэ.
М.САЙНЗАЯА