Улсын хэмжээнд долоон аймгийн 15 суманд төмөр зудын, 17 аймгийн 81 суманд цагаан зудын, 16 аймгийн 66 суманд цагаанаар зудархуу, хоёр аймгийн дөрвөн суманд харын зудын буюу нийт 20 аймгийн 166 суманд өвөлжилт хүндэрсэн байна.
Үүнээс онцлоход төмөр буюу шилэн зуд гэдэг нь намар орой орсон цас дутуу хайлж мөстөж хөлдсөнөөс мал бэлчээхэд бэрхшээлтэй болж, малын хөлийн арьс зулгарч өвөлжөө бууц хөлдөх гамшигийг хэлнэ.
Тиймээс ОБГ-аас мал сүргээ холын бэлчээрт гаргахгүй байх, малын хашаа саравчаа дулаалах, малд явахдаа ердийн унаа хөсөг ашиглах, бага насны хүүхдийг малд явуулахгүй байх, байгалийн аюулт үзэгдлийн үед гадагшаа гарахгүй байхыг анхааруулж байна.