Сэлэнгэ аймгийн Ерөө сумын нутагт энэ онд хийхээр үлдсэн 224.7 га талбайн нөхөн сэргээлтийг эхлүүллээ.
Мөн “Эрдэнэт үйлдвэр” ТӨҮГ-ын ажлын хэсэгтэй хамтран Сэлэнгэ аймгийн Ерөө сумын нутаг Харганат, Могой гол нэртэй газарт 800.7 га талбайн техникийн нөхөн сэргээлтийг эхлүүлээд байна.
БОАЖЯ-ны Хүрээлэн буй орчны бодлого зохицуулалтын газрын дарга Б.Буяннэмэхээр ахлуулсан ажлын хэсэг Сэлэнгэ аймгийн БОАЖГ, “Оюу толгой” ХХК-ийн байгаль орчны ажлын хэсэгтэй хамтран Ерөө сумын Ялбаг нэртэй газарт өнгөрсөн онд хийсэн 110 га талбайн техникийн нөхөн сэргээлтийн байдалтай танилцлаа. Энэ үеэр тус сумын нутаг уул уурхайн аж ахуйн нэгжүүд 2021, 2022 онд Толгойтын голын 58 га, Их Өлөнт нэртэй газарт хийсэн 129 га талбайн нөхөн сэргээлт хийсэн талбайд ажиллажээ.
Түүнчлэн, PlanetGOLD Монгол-Филиппиний “Алтны бичил уурхайд мөнгөн усны хэрэглээг зогсооход оруулах хувь нэмэр” олборлогчоос боловсруулагч руу төслийн хүрээнд Сэлэнгэ аймгийн Мандал суманд байгуулсан бичил уурхайн цехийн үйл ажиллагаатай танилцан, санал солилцсоныг БОАЖЯ мэдээлэв.