2021-2022 оны хичээлийн жилд мэргэжлийн болон техникийн боловсролын сургалтын байгууллагыг төгсөх нийт 14,790 суралцагч байна.
Монгол Улсын Засгийн газрын суралцагчид тэтгэлэг олгох журмын дагуу:
- 2022 оны зургаадугаар сарын 27-нд 686 төгсөгчийн
- 2022 оны зургаадугаар сарын 28-нд 579 төгсөгчийн мэдээллийг цахим мэдээллийн сан болон сургуулиас ирүүлсэн албан ёсны боловсролын баримт бичигтэй тулгалт хийн баталгаажуулав.
Бичиг баримт нь баталгаажсан дээрх 1,265 суралцагчийн тэтгэлгийг өнөөдрөөс хувийн данс руу нь шилжүүлж эхэллээ.
ТЭТГЭЛЭГ ОЛГОХОД ҮҮСЭЖ БУЙ ХҮНДРЭЛ:
- Регистрийн дугаар буруу, алдаатай-1,383 суралцагч
- Техник, мэргэжлийн боловсролын удирдлагын мэдээллийн tvets.edu.mn системд давхардсан-323 суралцагч
- Боловсролын удирдлагын мэдээллийн esis.edu.mn системтэй давхардсан-570 суралцагч
- Дээд боловсролын удирдлагын мэдээллийн hemis.edu.mn системтэй давхардсан-4,121 суралцагчийн мэдээллийг нэг бүрчлэн тулгалт хийж алдааг залруулж байна хэмээн БШУЯ-наас мэдээллээ.