Мэргэжлийн хяналтын ерөнхий газрын даргын баталсан “Тамхи тамхин бүтээгдэхүүний худалдаалах, сурталчлахад тавигдах шаардлагыг зөрчихөөс урьдчилан сэргийлэх хяналт шалгалт хийх тухай” удирдамжын хүрээнд Сүхбаатар дүүрэгт үйл ажиллагаа явуулж буй Тамхины тусгай зөвшөөрөлтэй 82 ААН, 16 иргэн, тамхины тусгай зөвшөөрөлгүй 35 иргэн, нийт 132 аж ахуй нэгж, иргэн хяналт шалгалтанд хамрагдлаа.
Хяналт шалгалтын явцад зөвшөөрөлгүйгээр үйл ажиллагаа явуулж буй түргэн үйлчилгээний цэгүүд Тамхины хяналтын тухай хуулийг зөрчин тамхи ширхэглэн худалдаалж байгаа нь ЗТХ-ийн 6.3 дүгээр зүйлийн 2.4 дэх заалтыг зөрчиж байна.
Зөвшөөрөлгүй цэгт тамхи худалдан борлуулж байсан иргэн, аж ахуйн нэгжүүдэд зөрчлийн тухай хуулийн холбогдох заалтыг үндэслэн торгуулийн арга хэмжээ авч 36 нэр төрлийн 250 ширхэг 365,000 төгрөгний тамхийг улсын байцаагчийн актаар хураан авч улсын орлого болголоо.