Сүүлийн 24 цагт ковидын халдвараар дөрвөн хүн нас барсны нэг нь найман настай хүүхэд байсан юм.
Мөн хүүхдүүд хөнгөн хэлбэрээр өвдөөд эдгэж байна гэж байгаа ч цаашид хөгжлийн бэрхшээлтэй, өвчтэй хүүхдүүдэд халдвал хүндрэх эрсдэлтэйг мэргэжлийн хүмүүс мэдээлж байсан.
Тиймээс эцэг эхчүүд хүүхдүүдээ олон нийтийн газраар авч явахгүй байх, тоглоомын талбайд олон хүүхэдтэй хамт тоглуулахгүй байх зэрэг халдвар хамгаалаллын дэглэмээ сайтар баримтлахыг зөвлөж байна.
Шинэ төрлийн короновирусээс урьдчилан сэргийлэх зөвлөмжийг хүргэж байна
- Гараа сайтар савандаж угаах, халдваргүйжүүлэгч хэрэглэх;
- Ханиах, найтаах үедээ ам хамраа таглах, амны алчуур хэрэглэх;
- Мах, өндгийг гүйцэд болгож идэх;
- Амьсгалын замын өвчний шинж тэмдэг илэрсэн хүнтэй ойр байхаас зайлсхийх;
- Мал, тэжээвэр болон зэрлэг амьтантай хүрэлцэхгүй байх;
- Шүүрхий мах, махан бүтээгдэхүүн идэхгүй байх;
- Түүхий ус уухгүй байх;
- Далайн гаралтай хүнсний бүтээгдэхүүнийг сайтар буцалгаж хэрэглэх;
- Арьс, салстаа гэмтээхгүй байх;
- Мал, амьтны зах, аж ахуйгаар орохгүй байх;
- Халдварын эрсдэлтэй бүс нутагт аль болох зорчихгүй, зочин урихгүй байх;
- Хүн ихээр цугларсан газарт аль болох очихгүй байх;
- Зэрлэг амьтдын мах, эд эрхтэнг хүнсэнд хэрэглэхгүй байх;
- Нус, цэрээ ил задгай хаяхгүй байх.