Зуслангийн газрыг өмчлүүлэх ажил үргэлжилж байна. Тиймээс зуслангийнхаа газрыг өмчлөн авах хүсэлтэй иргэдийн бүртгэлийг ирэх есдүгээр сарын 15-н хүртэл http://land.ulaanbaatar.mn сайтаар дамжуулан хүлээн авч байгаа юм. Түүнчлэн энэхүү бүртгэлийн системд өмнө нь цахимаар газар өмчлөхөөр бүртгүүлсэн 600 мянган иргэний мэдээлэл багтжээ.
Одоогоор Сүхбаатар дүүргийн Гоодой, Санзай, Ар Хустай, Хандгайт, Шарга морьт зэрэг 18 байршил, Чингэлтэй дүүргийн Ар Согоот, Гүнт, Бэлх, Сэлх, Зуунмод, Яргайт зэрэг 7 байршилд газар өмчлүүлэхээр бэлтгэж байгаа аж.
Энэ удаад ойролцоогоор 18 мянган нэгж талбарыг өмчлүүлэхээр төлөвлөжээ. Бусад дүүргүүдийн тухайд зуслангийн газруудын хэсэгчилсэн ерөнхий төлөвлөгөөг баталсны дараа өмчлүүлэх юм байна.