Америкийн мэс заслын эмч нар хүний ген ашиглан гахайн биед ургуулсан бөөрийг хүнд шилжүүлэн суулгах мэс заслыг анх удаа хийлээ. Мэс заслыг Нью-Йоркийн их сургуулийн дэргэдэх Лангон эрүүл мэндийн төвд хийсэн байна. Эрдэмтдийн ургуулсан бөөр шилжүүлэн суулгаснаас гурав хоног өнгөртөл ямар нэгэн эсрэг нөлөө үзүүлээгүй гэнэ.
Энэ нь донор бөөрийг хүний ген ашиглан ургуулсан учир харь биеийн эрхтэний гаж нөлөөлөл үзүүлэхгүй байна гэсэн үг юм байна. Шилжүүлэн суулгасан эрхтэн гаж нөлөө үзүүлэхгүй байна гэдэг өвчтөнд маш чухал зүйл гэнэ. АНУ-д өнөөдөр 90 мянга гаруй хүн бөөр шилжүүлэн суулгах мэс засал хийлгэх ээлжээ хүлээж байгаа бөгөөд донорын дутагдлаас үүдэн гурваас таван жил хүлээхэд хүрдэг байна. Энэхүү туршилт нь бөөрний дутагдал бүхий өвчтөнүүдийг мэс заслын аргаар эмчлэх том боломж гэж Лангон эрүүл мэндийн төвийн эмч Роберт Монтгомери онцолжээ.
Г.АМАРСАНАА