Зэвсэгт хүчний Агаарын довтолгооноос хамгаалах цэргийн 353 дугаар ангийн 323 дугаар салбарын алба хаагчдыг тээвэрлэж явсан микроавтобус осолджээ.
Тодруулбал, уржигдар өглөө 09.00 цагийн үед Налайхын замд тус автомашин суудлын автомашинтай мөргөлдсөн байна. Тухайн микроавтобус цэргийн ангийн алба хаагчдыг ажилд нь хүргэхээр явж байсан хувийн унаа байсан гэдгийг эх сурвалж мэдээлэв. Ослын үеэр азаар хүний амь нас эрсдээгүй ч жижиг тэрэгний жолооч хүнд гэмтсэн байна.