Баянзүрх дүүргийн нутаг дэвсгэрт байх “Шөнийн зах” худалдааны төвд байдаг Хаан банкинд өнөө орой 19.20 цагийн үед зэвсэгтэй гурван этгээд дайран оржээ.
Одоогоор тус газрыг цагдаагийн хамгаалалтад авсан бөгөөд хэргийн газарт шалгалт хийж байна. Болсон явдлын талаар цагдаагийнхан “Банкинд халдсан хэрэг гарсан. Хүний амь нас хохирсон болон дээрэм болоогүй. Хэргийн газрыг цагдаа нар хамгаалалтад аваад шалгаж байгаа. Тиймээс дэлгэрэнгүй мэдээлэл өгөх боломжгүй” гэжээ. Харин эх сурвалж “Оройн 19.20 цагийн орчимд буутай гурван этгээд Шөнийн зах худалдааны төвийн нэг давхарт байрлах Хаан банкинд орж, мөнгийг нь дээрэмдсэн. Гурвуулаа баг зүүсэн, буутай байсан” гэжээ.