Нэг шуудай нүүрс нь зарим хүний хувьд ад гай, утаа тортгийн “үүр” болж байхад зарим өрхөд хөлдөж үхэхгүй өвлийн шөнийг давах “амь тариа” болж буй. Олон мянган үгээр илэрхийлэх зүйлийг зөвхөн нэг гэрэл зургаар харуулах тохиодол цөөнгүй бий. Яг үүн шиг хүүхдийн ертөнцөд болж байгаа зүйлийг гэрэл зургаар илэрхийлэхийг зорьсон хэсэг залуус бол “Лантуун дохио” ТББ болон “Тусгал” гэрэл зургийн клубийнхэн юм.
Тэд өнөөдөр “Зэрэгцээ ертөнц” гэрэл зургийн үзэсгэлэнгээ “UB Art Gallery”-д 11:00 цагт нээх гэж байна. Уншигч та бүхэнд тус үзэсгэлэнд дэлгэгдэх зарим бүтээлээс толилуулъя.
