Үл хөдлөх эд хөрөнгө барьцаалан зээлдүүлэх тухай хууль Үндсэн хууль зөрчсөн байна гэж ҮХЦэц дүгнэсэн учир өнгөрөгч сараас эхлэн орон сууцны найман хувийн зээл олголт албан ёсоор зогсоод байгаа. Учир нь зээл олголтыг зохицуулах эрхзүйн орчин байхгүй болсон юм. Иймл Ардчилсан нам “Үл хөдлөх эд хөрөнгө барьцаалан зээлдүүлэх тухай” хуулийг дахин яаралтай батлана гэж мэдэгдэж, өчигдөр тус хуулийг хэлэлцэх нь зүйтэй гэж УИХ-ын гишүүдийн 90 гаруй хувь нь үзээд байна.
Харин өнгөрсөн долоо хоногийн лхагва гаригт УИХ-ын даргын албаны өрөөнд болсон хэлэлцүүлгийн үеэр “Зээлийн хүүг таван хувь хүртэл бууруулж, орон сууцны хэмжээ 80 метр квадрат (мк2)-аар хязгаарлагдахгүй” гэж мэдэгдсэн. Энэхүү мэдэгдлийн дараа зээлийн хүү буурвал орон сууцны үнэ өснө гэж зарим улстөрчид ярих болсон.
Тэгвэл өнөөдөр 14 цагт УИХ-ын дарга З.Энхболдын албаны өрөөнд монголд томоохонд тооцогддог барилга угсралтын компани болоод барилгын материаль үйлдвэрлэдэг аж ахуй нэгжийн удирдлагуудын оролцсон мэдээлэл, хэлэлцүүлэг болох ажээ. Энэ үеэр таван хувийн хүүтэй орон сууцны зээл хэрэгжиж эхэлсэн тохиолдол барилгын компаниуд мк2-ын үнээ нэмэх үндэслэл болох уу, цаашид орон сууцны үнэ буурах эсэх талаар мэдээлэл өгөх ажээ.