“Завхан аймгийн хөгжилд эмэгтэйчүүдийн оролцоо” сэдэвт уулзалт, зөвлөгөөн боллоо. Тус зөвлөгөөнд нийгэм соёлын зүтгэлтнүүд, салбар салбарын судлаач, эрдэмтэд, бизнес эрхлэгчид зэрэг тус аймгаас төрөн гарсан эмэгтэйчүүдийг хамруулжээ.
Тухайлбал, УИХ-ын гишүүн З.Нарантуяа, Д.Оюунхорол, Сангийн дэд сайд Х.Булгантуяа, УИХ-ын гишүүн асан, Баянгол дүүргийн Засаг дарга С.Одонтуяа, МУГЖ О.Ичинхорлоо, Тэргүүн хатагтай асан Ш.Цэвэлмаа, Монгол Улсын гавьяат эмч Б.Үйлст, МУГЖ Н.Батцэцэг, МҮХАҮТ-ын гүйцэтгэх захирал М.Оюунчимэг нарын эмэгтэйчүүд оролцон илтгэл тавьж, мэдээлэл солилцсон байна. Мөн Завхан аймгийн төв болон 24 сумын 60 гаруй эмэгтэй хүрэлцэн ирж дуу хоолойгоо илэрхийлсэн аж.
Уг уулзалтын үеэр УИХ-ын гишүүн З.Нарантуяа “Завханчуудын өмнө тулгамдаж буй ядуурал, ажилгүйдлыг бууруулах, хувь хүний хөгжлийг дэмжих чиглэлд нутгийн иргэдийн хамтын ажиллагааг чиглүүлэх зорилт тавьж байна” хэмээн онцолжээ.