Өнөөдөр 15.00 цагийн орчимд Төрийн ордонд гарсан галыг онцгойгийнхон дөнгөж сая унтрааж дууслаа. Нийтийн сүлжээгээр УИХ-ын дарга З.Энхболдын өрөөнд гал гарсан тухай мэдээлж байна. Тэгвэл гал авалцаж байсан цонх нь З.Энхболд даргын өрөөний яг доод талынх нь буюу Засгийн газар хуралддаг танхим юм. Ийнхүү өнөөдөр 16.00 цагт хуралдах ёстой Засгийн газрын хуралдаан хойшилж байна.
Одоогийн байдлаар Төрийн ордныг хамгаалалтад аваад байгаа бөгөөд ойролцоох автозамыг хаасан болохоор хөдөлгөөний ачаалал нэмэгджээ. Гал гарсан даруйд ордон дотор бүх хүнийг гаргажээ. Одоо тэд ордны хашаан дотор хашигдаад байгаа юм.