Долоо хоног бүрийн Даваа гаригт Засгийн газрын ээлжит хуралдаан болдог ч өнөөдөр уг хуралдаан болохгүй аж.
Шийдлийн Засгийн газар өнгөрсөн зургаадугаар сарын 28-нд ээлжит бусаар хуралдаж, “Эрдэнэт” үйлдвэрийн 49 хувийг Монголын үндэсний компанид эзэмшүүлэх шийдвэр гаргасан. Энэ нь Ч.Сайханбилэгийн танхимын хамгийн сүүлчийн хуралдаан болж байгаа бололтой.
УИХ-ын сонгуулийн үр дүнд МАН Засгийн газраа байгуулах эрхийг авсан. Маргааш УИХ-ын анхдугаар чуулган хуралдаж, УИХ-ын даргаа томилж, мөн гишүүд УИХ-ын гишүүний тангараг өргөх бол энэ долоо хоногт багтаан Ерөнхий сайдыг томилох даалгаврыг Ерөнхийлөгч МАН-д өгөөд байгаа.