Засгийн газрын ээлжит хуралдаан өнөөдөр болж байна.
Энэ удаагийн хурлаар Оюу Толгой ордоос Монгол Улсын хүртэх үр ашгийг нэмэгдүүлэх арга хэмжээний тухай УИХ-ын 2021 оны 103 дугаар тогтоолын хэрэгжилтийг зохион байгуулах зарим арга хэмжээний талаар, Төрийн хэмнэлтийн тухай хуулийн хүрээнд автомашины ашиглалтад хязгаарлалт тавих арга хэмжээний явц, Усны нөөцийг хуримтлуулж, говийн бүсийн ус хангамжийн хүртээмжийг нэмэгдүүлэх төслүүдийн талаар зэрэг 30 гаруй асуудал хэлэлцэхээр төлөвлөжээ.
Долоо хоног бүрийн Лхагва гарагт Засгийн газар хуралддаг ч Ерөнхий сайд маргааш Сингапур улсыг зорих тул хуралдаанаа өнөөдөр хийж байгаа юм байна.