УОК-оос тогтоосон өндөржүүлсэн бэлэн байдлын үед хэрэгжүүлж буй зарим хязгаарлалтыг сулруулах чиглэлээр мэргэжлийн байгууллагууд ажиллаж эхэлжээ. Тухайлбал, өндөржүүлсэн бэлэн байдлын хугацаанд 22 цаг хүртэл ажиллаж байгаа аж ахуйн нэгжүүдийг 24 цаг буюу 00.00 цаг хүртэл ажиллуулах, зарим үйлчилгээний газрыг нээх талаар холбогдох газрууд ажиллаж байгаа аж. Тухайлбал, Номын сан, музей, кинотеатрын үйл ажиллагааг нээх тухай яригдаж байгаа аж. Түүнчлэн УОК-оос хувийн хэвшил, аж ахуйн нэгжүүдэд төрийн байгууллагуудын шалгалт нэрийдлээр ажилд нь саад учруулахгүй байх чиглэлийг мэргэжлийн байгууллагуудад өгсөн билээ.