Нийслэл хотод хийгдэж байгаа томоохон бүтээн байгуулалт бол зам засварын ажил. Яг одоогийн байдлаар зам засварын ажил урагштай явагдаж байна. Ямартай ч 10 сарын нэгэн гэхэд зам засварын ажлыг бүрэн дуусгах юм.
Энэ жилийн хувьд зуслангийн чиглэлийн болон хотын төвийн энхтайвны өргөн чөлөө зэрэг чиглэлийн томоохон замууд дээр өргөтгөл шинэчлэлийн ажлыг хийсэн. Яг одоогийн байдлаар Улиастайн уулзвараас гачууртын чиглэл хүртэлх 11 км автозамын засварын ажлын 5км-г нь бүрэн хучин ашиглалтанд оруулаад байна. Харин хандгайтын чиглэлийн 16,3 км авто замын зарим хэсгийг ашиглалтанд оруулан газар шорооны ажил болон бусад ажлын гүйцэтгэлийг хийж байгаа юм. Харин хандгайтын гүүрний хувьд захын болон голын тулгуур багануудыг суурилуулж дуусжээ.
Нийтдээ 55 хувийн гүйцэтгэлтэйгээр ажил явагдаж байна. Нийслэлийн автозамын газрын орлогч дарга Д.Баясгалан хэлэхдээ “Зам засварын ажилд Автозамын газраас хяналтын инженерүүд хяналт шалгалтыг өдөр бүр хийж удирдан зохион байгуулж ажиллаж байна. Мөн давхар хяналтын лабораторид хөрсний болон аспалтын шинжилгээ зэрэгт үе шатлалтайгаар шалгалт хийн ажиллаж байгаа юм. Тийм учраас чанарын хувьд ямар нэгэн асуудал байхгүй байгаа юм. Зам засварын ажлын цаад хугацааг 10 сарын нэгэн гэж тогтсон байгаа. Харин ажил түргэн шуурхай хийгдэж байгаа учраас тэрнээс ч наана ашиглалтанд орох боломжтой байгаа юм” гэлээ.