Залуучуудын III олимпийн наадам Аргентин улсын нийслэл Буэнос-Айрес хотноо өнөөдөр эхэлж байна. Тус олимпод ОУОХ-ны гишүүн 206 орны 4000 гаруй тамирчид оролцох аж. Манай улсаас жүдо бөхөөр хоёр , чөлөөт бөхөөр хоёр , тэквондогоор нэг, хүндийг өргөлтөөр нэг, буудлагаар нэг, “3х3” сагсан бөмбөгийн хөвгүүдийн багт дөрөв нийт 11 тамирчин Андын нурууны индианчуудын бэлд хүрэлцэн очжээ. Энэ удаагийн Монголын багийн ахлагч Ч.Амарсанаа ажиллаж буй аж.
Дашрамд дуулгахад, Монголын баг тамирчид өмнө нь “Сингапур-2010” залуучуудын олимпиос хоёр алт, нэг мөнгө (О.Дөлгөөн, жүдо), “Наньжин -2014” наадмаас чөлөөтийн Б.Дөлгөөн мөнгөн медаль хүртсэн түүхтэй.
Монголын багийн хувцас, хэрэглэлийг Испанийн “JOMA” болон Монголын “Дэрэн-Наран” компанийн хамт олон бүрэн ивээн тэтгэсэн байна.