“Залуучууд судлал -2017” эрдэм шинжилгээний хурал болж байна. Энэхүү хурал нь Монголын залуучуудад тулгамдаж буй асуудлын шийдэх гарцыг тодорхойлох, онол практикийн мэдлэгээ хөгжүүлж, бүтээлч сэтгэлгээгээр хандах, залуучуудын хөгжлийн үндэсний хөтөлбөрт тусгахуйц шийдлийг илэрхийлэх, шилдэг бүтээлийг олон нийтэд хүргэх зорилготой аж. Энэ жилийн хувьд “Залуучууд-судлал”, “Эрдэмтэн-судлал” гэсэн ангиллаар илтгэлээ шалгаруулжээ. Эхний шатны 70 гаруй бүтээлээс 37 бүтээл хоёрдугаар шатанд шалгаран үлдсэн байна.
Уг хуралд төрийн болон төрийн бус байгууллагуудын төлөөлөл, судалгаа шинжилгээний байгууллагын судлаач эрдэмтэд, их, дээд сургуулийн багш, оюутан залуучууд мөн залуу эрдэмтдийн төлөөлөл оролцож байгаа юм. Эрүүл мэнд, боловсрол, хөдөлмөр эрхлэлт, хүний эрх, жендерийн мэдрэмжтэй залуу хүн, залуучуудын нийгмийн оролцоо чиглэлийн хүрээнд залуучууд судлалыг хөгжүүлэхэд нөлөөлөхүйц гол асуудлуудаар илтгэл хэлэлцүүлж байна. Тухайлбал, “Харааны бэрхшээлтэй залуучуудын хөдөлмөр эрхлэлтэнд тулгамдаж буй асуудлууд” сэдвээр ШУТИС-ийн БАТС-ийн Нийгмийн ухааны тэнхмийн докторант Ч.Даариймаагийн илтгэл хуралд оролцогчдын анхаарлыг татаж байлаа. Хөгжлийн бэрхшээлтэй залуучуудын хөдөлмөр эрхлэлтийн байдал нийгэмд бага байдаг байна. Тэрээр хөгжлийн бэрхшээлтэй залуучуудын хөдөлмөр эрхлэлтийг нэмэгдүүлэх шаардлагагтай байгааг илтгэлээрээ онцолсон юм.