Монгол Улсад авто тээврийн байгууллага үүсч хөгжсөний түүхт 90 жилийн
ойн нэрэмжит Автомашины бартаат замын залуучуудын улсын аварга
шалгаруулах уралдаан өнгөрөгч амралтын өдөр боллоо.
Монголын Авто тээвэрчдийн нэгдсэн холбоо, Монголын автомашин,
мотоциклийн спортын холбоо хамтран зохион байгуулсан “Залуучууд мастер
кросс-2015” уралдаанд 47 тамирчин оролцож хурд, хүч, авхаалж самбаагаа
сорив.
Тэднээс “Акума” компанийн тамирчин Ж.Саруултөгс бусдыгаа хошуучилж
тэргүүлсэн бол н.Наранбаатар, Р.Мөнхтогтох нар удаахь байр, Д.Золзаяа
тусгай байрт шалгарлаа.
Уралдааныг зохион байгуулахад “Зэлтэрийн зам”, “Нью жуулчин”, “Монгол
аялал”, “Кар турист” зэрэг эр зоригийн спортод ээлтэй компаниуд ивээн
тэтгэгчээр оролцсон юм.