Хэдэн долоо хоногийн өмнө Богд-Уулын Залаатын амнаас нойтон мод машин, машинаар нь тээвэрлэж байна гэсэн зураг, сэрэмжлүүлэг сошиалаар тархаж байсан. Харин энэ талаар Богд уулын дархан цаазат газрын хамгаалалтын захиргаанаас “Эбээ” ХХК, “Тод ногоон” ХХК, “Ойншинэс трейд” ХХК-ууд зохих зөвшөөрлийн дагуу ойг цэвэрлэх зорилготой огтлолт хийж байгаа гэсэн мэдээллийг өгсөн билээ.
Тэгвэл нэгэн сошиал хэрэглэгч Залаатын амны мод бэлтгэлийг дрон нисгэж зургийг нь авсан байна. Тэрээр твиттер хуудаснаа “Залаатын амны мод бэлтгэлийг дрон нисгэж зургийг нь авлаа. Уулын орой нүцгэрч байгаа юм байна. Бэлтгэж байгаа мод бол яавч үхсэн мод биш. Нэг чиргүүл модыг 1.5 саяаар зарж байгаа гэж дууллаа” хэмээн нийтэлжээ.
Залаатын амны ойн цэвэрлэгээний огтлолт, цэвэрлэгээний ажил, ойжуулалтын ажлын явцыг хамгаалалтын захиргааны ажилтнууд хянан хариуцаж байгаа юм.
Б.АМАРТҮВШИН