БСШУС-ын сайд Ё.Баатарбилэг мэдээлэл хийлээ. Тэрээр, “I сарын 27-ноос IV сарын 30-ныг хүртэл 10-11 долоо хоногийн хичээл тасарсан. Энэ хугацаанд теле болон цахим хичээлийг зохион байгуулж 3020 цагийн теле хичээлийг бэлтгэн хүргэж байна. Теле хичээлтэй холбоотой давуу болон сул тал бий. Өмнө нь эцэг, эхчүүд зайнаас, багш сурагчтайгаа хамтран ажилладаг байсан бол одоо эцэг, эхчүүд хүүхдүүдтэйгээ хамтарч, багш зайнаас ажиллаж байна. Элсэлтийн ерөнхий шалгалтын хугацааг хойшлуулахгүй. IV сарын 30-нд хорио цээрийн дэглэм цуцлагдах эсэхийг хэлж мэдэхгүй байна. V сард хичээл эхлэх эсэх нь энэ сарын 20-ны үеэр шийдэгдэнэ. Хэрэв хорио цээрийн сунгагдвал арванхоёрдугаар ангийн сурагчдад зориулсан давтлага хичээл хэрхэн зохион байгуулах талаар судалж байна. Мөн танхимын давтлагыг яаж зохион байгуулах талаар судалж байгаа” гэв.