УОК өнөөдрийн хуралдаанаар гаргасан шийдвэрээ танилцуулж байна.
УОК-оос бүх шатны боловсролын байгууллагын үйл ажиллагааг гуравдугаар сарын 30-н хүртэл зогсоох шийдвэрийг ахин нэг сараар сунгах шийдвэр гаргасан.
Үүнтэй холбоотойгоор элсэлтийн ерөнхий шалгалтыг сонгуулийн дараа буюу 2020 оны зургаадугаар сарын 24-нөөс хойш зохион байгуулахаар болсныг БСШУС-ын сайд Ё.Баатарбилэг мэдэгдлээ.
Мөн тэрээр “БСШУСЯ-нд харьяалагддаг спорт, соёл урлагийн эхний хагас жилийн бүх арга хэмжээ, олон улсын болон улсын аварга шалгаруулах тэмцээнүүдийг бүрэн зогсоосон. Өөрөөр хэлбэл, урлагийн тоглолт, олон улсын болон улсын аврга шалгаруулах тэмцээнүүдийг бүрэн зогсоосон.
Зөвхөн олимпод бэлдэх зорилготой улсын шигшээ багийн дөрвөн төрлийн тамирчдын бэлтгэл сургуулилалтыг Улсын Онцгой Комиссын шийдвэртэйгээр тусгай орчин нөхцөлд явуулна.
Спорт, соёлын арга хэмжээний бусад үйл ажиллагаа болохгүй.
Мөн Шинжлэх ухааны байгууллагууд нэгдсэн хурал цуглаан,сургалт семинар зохион байгуулахгүй шинжилгээ судалгааны ажлаа үргэлжлүүлж ажиллахаар болсон.
Багш нарт БСШУСЯ-наас сургалтын төлөвлөгөө, теле хичээлүүд, хэрэгжүүлэх үйл ажиллагааны зааврыг удахгүй хүргэх болно” гэлээ.