Нийслэлийн явган хүний зам засвар, замд тэмдэг тэмдэглэгээ тавих ажлууд үргэлжилж байна
Баянгол зочид буудлын автобусны буудлын хойд хэсгийн явган хүний замыг стандартад нийцүүлэн засаж эхэлжээ. Ингэснээр явган хүн саадгүй зорчих нөхцөлийг бүрдүүлнэ.
Мөн С.Амарсанаагийн гудамжны засвар, шинэчлэлийн хүрээнд Макс Молл их дэлгүүрийн баруун талын уулзвараас Ахуйн үйлчилгээний уулзвар хүртэлх замын зүүн талын урсгалын зорчих хэсэгт хучилт, хэвтээ тэмдэглэл хийжээ. Үргэлжлүүлэн явган хүний замыг засаж байна.
Энэ ажлын хүрээнд Гранд плазагийн зүүн талын авто зам, явган хүний замыг шинэчилж байна.
Цамбагараваас хойш Сонгинохайрхан дүүргийн 31 дүгээр хороо хүртэлх Дэнжийн замыг засаж, хучилт, хэвтээ тэмдэглэл хийж дууслаа. Одоо явган хүний замыг засан, шинэчилж байна.
