“Японд суралцах тухай танилцуулга болон Мэдээллийн яармаг -2017” өнөөдөр Монгол-Японы төвийн байранд болж байна.
Мэдээллийн яармагаар хоёр өдрийн турш Монгол Улсад суугаа Японы элчин сайдын яам болон Японы оюутныг дэмжих байгууллага (JASSO), Японы 11 их сургууль тус улсад суралцах талаар мэдээллийг өгөх юм. Яармагт Асахи их сургууль, Кэйо их сургууль, Олон улсын их сургууль, Осака аялал жуулчлалын их сургууль, Осака их сургууль, Рицүмэйкан ази номхон далайн их сургууль, Тооёо их сургууль, Тоокай их сургууль, Удирдлагын ухааны институт, Чюүоо их сургууль, Шибаүра техникийн их сургууль болон Шизүока мужийн захиргаа оролцоно.
Монгол-Японы Хүний Нөөцийн Хөгжлийн Төв 2009 оноос эхлэн жил бүрийн аравдугаар сард энэ үйл ажиллагааг зохион байгуулж байна.