Хөдөө аж ахуйн биржийн өчигдрийн арилжааг 1.2 тэрбум төгрөгт хүрсэн байна. Энэхүү мөнгөн дүнг ямааны завод ноосны арилжаа бүрдүүлжээ. Ямааны завод цайвар ноос кг нь 16500 төгрөг байгаа бол бараан ноос 15900 төгрөг байна. Дулаан хадгалах бүтээгдэхүүн үйлдвэрлэгч компаниуд ноосны арилжаанд голлох худалдан авалтыг хийжээ. Улирлаас шалтгаалан дулаалгын материал хийхэд ямааны завод ноосны эрэлт их байгаа учир ийнхүү арилжаа идэвхжсэн байна. Харин ноолуурын форвард арилжааны хувьд 14 компанийн албан захиалга гэрээгээр баталгаажиж захиалгын дүн хоёр тэрбум төгрөг болжээ.