Бразилийн Рио Де Жанейро хотноо Паралимпийн зуны олимпийн наадам үргэлжилж байна. Зуны олимпийг тэргүүлсэн баг тамирчдад олгож буй медаль дэлхий нийтийн талархлыг хүлээгээд байна. Тус медалийг шинжлэх ухаан, ур хийцийн хувьд гайхалтай хослуулан урлажээ.
Тухайлбал, харааны бэрхшээлтэй тамирчдад баррейл үсгээр шивсэн, сэгсэрхээр дотор нь хийсэн ган бөмбөлөг дуу чимээ гаргадаг байдалтай хийжээ. Энэхүү медалаас гарч буй дуу чимээг зохион байгуулагчид “Ялалтын дуу” хэмээн нэрлэсэн байна. Сонирхуулахад, Алтан медаль нь дотроо 28 ган бөмбөлөгтэй бол мөнгөн медаль нь 20, хүрэл медаль нь 16 бөмбөлөгтэй аж.
