УИХ–ын дарга Я.Санжмятав: Төсөвтэй холбоотой хэлэлцэх асуудал байгаа. Сангийн яам гайгүй олон талаас нь ярьсан төсвийг их хурлын гишүүд бужигнуулчихлаа. Яагаад гэвэл орон нутгийн хөгжил түүнийг дэмжих, эрх мэдлийг дээшлүүлэх чиглэлийн бодлого бол үе үеийн Засгийн газарт байдаг. Үүнийг боймлох асуудлыг бүгдээрээ ярьж байгаад тасалчихлаа. Аймаг болгонд 9-10 тэрбум төгрөгийг өгсөн. Тодорхой хэмжээний тулгамдсан асуудлыг аймгийн иргэдийн хурал гээд орон нутгийн өөрөө удирдах байгууллагатай хэлэлцээд тодорхой энэ жил дээр зарцуулагдахаар хөрөнгө рүү хийх бодлогыг хаагаад шинэ хүмүүс ороод хуралдаж буй нэртэй ажлын хэсэг байгуулсан. Их хурлын гишүүний захирамжаар надад зар хэлээгүй, мэдээлэл байхгүй. Өчигдөр төсвийн байнгын хорооны хурал дээр орсон. Нэгээс тавдугаар хүснэгт гээд багцаар нь төсөв баталчихдаг юм уу. Хүснэгтэн доторх заалт агуулга, хөрөнгө, зураг төсөв гээд бүгдийг ярих ёстой. Бөөндсөн хуниралдуулсан зүйл хийсэн учраас энэ ноцтой зүйл болно. Үндсэн хуулийн цэц хүртэлх асуудал яригдаж эхэлж байна. Тиймээс энэ асуудал дээр онцгой анхаарал тавихыг Их хурлын даргаас шаардаж байна. Хоёрдугаарт МУ-ын ерөнхийлөгч анх үг хэлсэн. “Их хурлын дарга арван хувийн төсөв хэмнэнэ гэж байна би 15 хувийг хэмнүүлнэ санал нэг байна. Одоо гурвуулаа үндсэний аюулгүйн зөвлөл хуралдъя Хүрэлсэх дарга бас 20 хувь болгох байх гээд уриалж намайг дуудуулсан. Та гурав төсвөө нэмье гээд ярьсан юм уу хасъя гэсэн юм уу. Тиймээс та нарын Үндэсний аюулгүйн зөвлөл дээр юу яригдсаныг ард түмэн харж байгаа. Тиймээс үндэсний аюулгүйн зөвлөлөөс гарч буй шийдвэрийг төсвийн хоёрдугаар хэлэлцүүлэг хэлэлцүүлэхээс өмнө мэдээллийг сонсоод ямар чиглэлээр төсвийн байнгын хороо ажил өгсөн юм. Тиймээс төсвийн хоёрдугаар хэлэлцүүлэг орж ирэхээс өмнө үндэсний аюулгүйн зөвлөл дээр яригдсан асуудал чиглэлийг сонсож байж төсвийн хоёрдугаар хэлэлцүүлгийг хийгээч ээ гэсэн горимын саналыг гаргаж байна.