Узбекстанд
өнгөрсөн ням гарагт Ерөнхийлөгчийн сонгууль болж өндөрлөсөн. Харин өчигдөр Сонгуулийн
төв хороо нь урьдчилсан дүнг танилцуулсан байна. Тус улсын шинэ төрийн тэргүүнээр
Аж ахуйн нэгж, ажил хэрэгч хүмүүсийн хөдөлгөөн-Либерал ардчилсан намаас нэр дэвшин
өрсөлдсөн Шавкат Мирзиёев тодорсон байна. Ерөнхийлөгчийн үүргийг түр гүйцэтгэж байсан
тэрбээр 88.61 хувийн санал авч ялалт байгуулжээ. Тус улсын сонгуулийн төв хорооны
албан ёсны дүн гарахаас өмнө Ш.Мирзиёевын сонгуулийн штабаас хэдийнэ ялалт байгуулснаа
зарласан байна. 2003 оноос хойш Ерөнхий сайдын албыг хашиж ирсэн тэрээр өнгөрсөн
есдүгээр сард өөд болсон Ерөнхийлөгч Ислам Каримовыг орлох болсон юм. Энэ удаагийн
сонгуульд 20.4 сая хүн саналаа өгөх эрхтэй байжээ.