Уул уурхайн яамнаас өнөөдөр сэтгүүлчдэд мэдээлэл хийлээ. Уул уурхайн сайд Р.Жигжид тэргүүтэй тус яамны харьяа агентлагийн удирдлагууд оролцож, энэ жилд хийсэн ажлаа тайлагнаж, мөн ирэх жил ямар бодлого барьж ажиллахаа тодорхойлсон юм.
Засгийн газар шинээр байгуулагдсанаар Уул уурхайн яам бие дааж, мөн зарим агентлагийг дотроо нэгтгэж байгаа аж. Энэ хүрээнд яамны бүтэц орон тоог шинэчилэн баталж, Хуулийн хэлтсийг татан буулгаснаар 5 газар, 4 хэлтэстэйгээр үйл ажиллагаагаа явуулах болж буй юм байна. Мөн яамны албан хаагчдын орон тоо 74 байсныг 15 хувиар цомхотгожээ. Ингэснээр 8 хүн цомхотголд хамрагдаж, 66 нь яамандаа үлджээ.