“Завгүй” гэж хүн болгон ярьдаг ч өнгөрүүлсэн цаг хугацаагаа эргээд харахад шальтай юу ч хийж амжуулаагүй санагдана.
Баян ч бай ядуу ч бай хүн бүрт тэгш олгогддог зүйл нь хоногийн 24 цаг. Улиран өнгөрч буй цаг хугацааг үр дүнтэй өнгөрүүлэхийн тулд өөдөс цаг хугацааг үр дүнтэй өнгөрүүлэх тухай бестселлер номын зохиогч И Мин Кю зөвлөсөн байна лээ. Их хотын иргэд замын түгжрэл, ажилдаа ирэх очихдоо багагүй цаг зарцуулдаг. Эсвэл хэн нэгэн албан тушаалтны үүдэнд, банкинд дугаарлаад бидний алт шиг цаг чамгүй их урсч өнгөрдөг. Иймэрхүү үед бухимдахын оронд цаг ашиглах аргууд бий. Хэн нэгнийг хүлээх, хоолны газар, банкинд ээлжээ хүлээн суунгаа унших ном, бодох зүйлээ бэлтгэх хэрэгтэй. Ном уншиж суухад залхмаар санагдаж цухалдахгүй. Нийслэлчүүдийн олонхи нь машиндаа багагүй цаг зарцуулдаг. Энэ хугацааг ухаалгаар ашиглах арга бол машины хөгжмийг ашиглан гадаад хэл сурах юм. Машин жолоодох цаг хугацааг суралцах цаг болговол таны машин сургалт судалгааны өрөө болно. Бид машинд түгжээнд мөн ч их цаг минутыг өнгөрүүлдэг дээ. Амжилтад хүрсэн хүмүүс өөдөс цагийг ихээр ашигладаг учраас том зүйлд цаг хугацаа хүрэлцэхгүй байна гэж гомдоллодоггүй.
Өөдөс цаг хугацааг ашиглана гэхээр цаг ч амрахгүй ажил төлөвлөх юм байна гэж бүү айгаарай. Илүү их амрах цаг гаргахын төлөө ч цагаа хямгадах хэрэгтэй шүү дээ. Өөдөс зүйж хувцас ч оёдог шиг өөдөс цаг хугацааг хэмнэж өөртөө цаг гаргаарай.