Үндэсний цэцэрлэгт хүрээлэнгийн харьяа усан халианд өсвөр насны дөрвөн хүүхэд амь насаа алдсан харамсалтай хэрэг өнөөдөр гарчээ. Ослын газарт Онцгой байдлын аврагчид ажиллаж, цогцсыг гаргасан юм байна. Тус талбайд барилгын ажил явуулж байсан компанийн үйл ажиллагааг нийслэлээс зогсоож, ажлын хэсэг байгуулан шалгалт явуулж байсан аж. Одоогоор цагдаагийн байгууллага, Шүүх эмнэлгийн шинжээчид ажиллаж байгаа юм. Амиа алдсан хүүхдүүд нь “Дэнжийн-1000”-аас очиж тоглож байсан хүүхдүүд байжээ.