УИХ-ын Хууль зүйн байнгын хорооны хуралдааны үеэр Өршөөл үзүүлэх тухай хуулийг хэрэгжүүлэх ажлыг зохион байгуулах комисс мэдээлэл хийжээ.
Өршөөл үзүүлэх тухай хуульд 4340 иргэн хамрагдсан байна. Тухайлбал, хорихоос өөр төрлийн буюу торгох, эд хөрөнгө хураах, тодорхой албан тушаал эрхлэх үйл ажиллагаа явуулах эрхийг хасах, албадан ажил хийлгэх ял шийтгүүлсэн 1449 ялтны хувийн хэрэг, бичиг баримтыг прокурор хянасан байна. Мөн 1324 ялтанд тогтоол үйлдэн шүүхэд шилжүүлж шийдвэрлэжээ.
Түүнчлэн хорих ялыг тэнсэж хянан харгалзсан болон шийтгэл тогтоол биелүүлэхийг хойшлуулсан нийт 5525 ялтны хувийн хэрэг материалыг прокурор хянаж, 4984 ялтны ялыг хуульд хамруулан хугацааг хэрэгсэхгүй болгон шийдвэрлэсэн байна.