Эртний гэгээрсэн мэргэд хүний бодол санаагаараа бие махбодио хөдөлгөдөг гэж хэлж байжээ. Энгийнээр хэлэхэд хүн юу гэж бодно түүнийхээ дагуу л үйл хөдлөл хийдэг гэсэн үг. Тэгвэл бодол санаагаа хэрхэн сайн сайхан зүйл рүү чиглүүлж удирдаж байх талаар дараах зөвлөмжийг хүргэж байна.
- Бодол санаа бол маш үнэтэй хөрөнгө.
- Бидний одоогийн бодит амьдрал өмнөх бодлын маань үр дүн
- Эрүүл мэнд оюун санаанаас үүдэлтэй гэдгийг санаарай. Эмчилгээ үр дүнтэй байх эсэх нь таны сэтгэлээс шалтгаална. Тиймээс муу зүйл санаанд чинь оронгуут өөр нэг сайхан зүйлийн тухай бодно сэтгэлээ сайн сайхан руу чиглүүлж байгаарай.
- Хайр сэтгэл, баяр баясал, аз жаргал нь бие махбодийг цэнэглэж, эрч хүч өгч байдаг. Сөрөг бодол, үг хэллэгийг өөрөөсөө зайлуулж залбирахдаа хүртэл үр хүүхдийг минь өвчин эмгэгүй байлгаж өгөөч гэхийн оронд үр хүүхдийг минь үргэлж эрүүл саруул, цэцэн цэлмэг байлгаж хайрла хэмээн залбираарай.
СЭМҮТ-ийн ахлах Ц.Гэрэлмаа, Т.Цолмон