Казакстаны Астана хотноо Ази тивийн аварга шалгаруулах уран сайхны гимнастикийн тэмцээний эхний өдөр манай тамирчин С.Энхжин шигшээ тэмцээнд шалгарлаа хэмээн өчигдөр Монголын гимнастикийн холбоо мэдээлэв.
Энэ удаагийн насанд хүрэгчдийн ес дэх, залуучуудын 15 дахь удаагийн тивийн АШТ-д БНХАУ, Япон, БНСУ, Казакстан, БНАСАУ, Узбекстан, Киргизстан, Сингапур, Малайз, Филиппин, Тайланд, Монгол зэрэг 14 орны 150 гаруй гимнастикчид ур чадвараа сорьж байна. Манай улсаас Х.Ундрам, С.Энхжин, Э.Энхдалай, Г.Энх-Үжин нарын дөрвөн тамирчин дасгалжуулагч Б.Болормаагийн удирдлага дор ур чадвараа сорин өрсөлдөж байна.