Засгийн газрын шийдвэрийн дагуу 2015 оны гуравдугаар сарын 28-нд Монгол орон даяар цагийн зүүг нэг цагаар урагшлуулж, зуны цагийн тоололд шилжсэн билээ. Тэгвэл өнөөдөр буюу есдүгээр сарын 25-26-нд шилжих шөнө өвлийн цагийн хуваарьт шилжих ёстой.
Тодруулбал, зуны цагийн хуваарь есдүгээр сарын 25-ны шөнийн 00.00 цаг хүртэл үргэлжлэх бөгөөд 24.00 цаг болмогц цагаа нэг цагаар хойшлуулж, 23.00 болгох ёстой юм.
Хэрвээ таны компьютерын үйлдлийн систем (Windows, Mac) сүүлийн шинэчлэлтээ хийсэн бол автоматаар шилжинэ. Мөн iPhone, iPad төхөөрөмжүүд iOS системийн 8.4 хувилбар ба түүнээс хойшх хувилбартай бол автоматаар шилжих юм.
Харин Android төхөөрөмжүүдийн хувьд үйлдвэрлэгч бүр, загвар бүр ялгаатай байгаа ба үйлдлийн системийн update нь сүүлийн 4 сарын дотор шинээр гарсан бол төхөөрөмжүүд энэ өөрчлөлтийг нэвтрүүлсэн байж магадгүй.